Traduzzione.md

A traduzzione in lingua corsa di CCleaner

Distribuzione

• A prima traduzzione in corsu hè stata distribuita cù a versione v5.10 di sittembre di u 2015
• L’installazione di u prugramma, chì impiega NSIS, si pò fà in lingua corsa

⛔ Per disgrazia, à u principiu d’aprile di u 2023, a squadra di CCleaner mi face sapè chì a cumpagnia Avast, chì distribuisce CCleaner, s’hè unita cù Norton per creà Gen è chì sta nova cumpagnia ùn permette più di distribuisce a traduzzione in lingua corsa.

🔇 E versioni nove di CCleaner, cum’è a v6.14 distribuita di lugliu di u 2023, cuntenenu quantunque a lingua corsa ma, di sicuru, e funzioni nove ùn sò micca tradutte.

Traduttore

• Patriccollu di Santa Maria è Sichè

Ciò ch’ella ci vole per traduce

• Richiestu
  • Un contu Crowdin chì si pò ottene da quì : https://crowdin.com/join
  • Una dumanda nant’à Crowdin per participà à a traduzzione di CCleaner
• Ricumandatu
  • Poedit, prugramma per mudificà i schedarii gettext cù l’estensioni .xliff
  • OmegaT, prugramma per traduce i schedarii cù l’estensioni .lng o .xliff
  • Notepad++, prugramma per mudificà un testu, paragunà duie versioni d’un testu, o trasfurmà u cuntenutu d’un testu cù una prucedura pre-arregistrata

I schedarii di lingua à traduce

• I furmati di schedariu : .lng, .rc o .xliff

Situ officiale di traduzzione

Tutti i schedarii di lingua - per ogni lingua dispunibule in CCleaner - si trovanu nant’à Crowdin.

Quelli per a lingua corsa si trovanu quì : https://crowdin.com/project/avast-ccleaner/co#

À st'ora, ci hè 2 schedarii, di furmatu sfarente, chì cuntenenu a traduzzione di CCleaner è chì si chjamanu :

• lang_uk.nsh
• res_uk.rc

Fate casu chì si pò accede à tutti sti liami nant’à Crowdin solu s’è vo site cunnetti à u vostru contu Crowdin.

Cumu sapè quandu ci hè qualcosa di novu à traduce ?

Quandu s’appronta una nova versione, a squadra di CCleaner mudificheghja e catene di fonte nant’à Crowdin aghjunghjendu catene nove o mudifichendu catene anziane.

Quandu st’operazione si face, ghjè pussibule di riceve un messaghju elettronicu da Crowdin in a vostra scatula di messaghjeria una o duie settimane nanzu a data d’esciuta prevista di a nova versione.

Cumu fà a traduzzione ?

• I traduttori devenu impiegà Crowdin ma a traduzzione si pò fà di parechje manere :
  • sia in linea, a traduzzione si face direttamente nant’à Crowdin
  • sia in lucale nant’à u vostru urdinatore perchè Crowdin prupone funzioni per espurtà è impurtà i schedarii
  • in stu casu, a traduzzione si pò fà cù l’appiecazioni Poedit o OmegaT
• Ste duie appiecazioni sò capace, grazia à a so memoria di traduzzione, di truvà e catene uguale o simile è vi e prupone per aiutavvi à traduce.
• In duie parolle, una memoria di traduzzione s’assumiglia un pocu à un dizziunariu chì pò cambià autumaticamente e catene in inglese cù a so traduzzione in corsu.
• In tutti casi, hè ricumandatu d’impiegà OmegaT per fà què perchè st’appiecazione, chì cunnosce tutte e vostre traduzzioni, hà una memoria di traduzzione tamanta.

In linea

• Si pò impiegà stu metoda quandu ci hè poca affare à traduce.
• A traduzzione si face direttamente in linea nant’à u situ Crowdin :
  https://crowdin.com/project/avast-ccleaner/co#
• Per piazzà e catene mancu tradutte à u capu di a lista, ci vole à assicurassi chì u filtru sceltu hè All, Untranslated First (Default).
• Per accede à a lista di filtri, ci vole à cliccà nant’à l’icona chì riprisenta un imbutu cù trè tratti di longhezza sfarente, à diritta di u campu di ricerca, quandu vo site in corsu di traduzzione nant’à un schedariu.
• St’appiecazione, grazia à a so memoria di traduzzione, hè capace di truvà e catene uguale o simile (cù un percentuale chì si pò definisce) è di pruponele per aiutavvi à traduce.

In lucale

• Stu metoda hè piuttostu ricumandatu quandu ci hè assai catene à traduce.
• U scopu hè d’estrae u schedariu di traduzzione, di traducelu cù un’appiecazione lucale eppò di ricaricà u schedariu traduttu in lingua corsa.
• A traduzzione si pò fà cù l’appiecazioni Poedit o OmegaT chì sò capace, grazia à a so memoria di traduzzione, di truvà e catene uguale o simile è vi e prupone per aiutavvi à traduce.
• A memoria di traduzzione di Poedit hè nutrita da e traduzzioni di schedarii di furmatu .po o .xliff invece chì quella d’OmegaT hè più maiò perchè ella cresce da e traduzzioni di schedarii di tutti i furmati.
• Dunque Poedit serà piuttostu impiegatu per cumpletà a traduzzione d’un schedariu .po o .xliff dighjà principiata è OmegaT serà ricumandatu per fà a traduzzione sana d’un tale schedariu o di qualchì altru furmatu.
• Cù Crowdin si pò scaricà un schedariu in dui furmati :
  • u so furmatu d’origine cù l’azzione File > Download
  • u furmatu .xliff cù l’azzione File > Download in XLIFF
• Ste duie azzioni si trovanu nant’à u listinu chì si chjama « hamburger » - insù è à manca accant’à CORSICAN - quandu vo site in corsu di traduzzione nant’à un schedariu.

Cù OmegaT

• Per impiegà OmegaT, seguitate l’istruzzioni per l’adopru di l’appiecazione OmegaT.

Cù Poedit

• Per cumpletà una traduzzione cù Poedit, ci vole à impiegà un schedariu cù l’estensione .xliff scaricatu da Crowdin cù l’azzione File > Download in XLIFF.
• Eppò lancià Poedit
  • Sceglie l’ozzione Schedariu > Apre… o selezziunà l’azzione Navigazione nant’à u screnu di benvenuta
  • Selezziunà u schedariu .xliff scaricatu da Crowdin
  • Verificà chì a lingua di destinazione sia co o co_FR
  • Selezziunà l’ozzione Affissà eppò Elementi micca tradutti in primu
  • Traduce e catene senza traduzzione
  • Arregistrà u schedariu cù u listessu nome
• Dopu a traduzzione, ci vole torna à impiegà Crowdin per impurtacci u schedariu di traduzzione cù l’azzione File > Upload Translations….

Istruzzioni per piglià in contu i novi schedarii di lingua corsa

Quandu i schedarii di lingua corsa sò stati rinfrescati nant’à Crowdin, ùn ci hè più nunda à fà.

Liami di navigazione nant’à stu situ

• Rivene à a lista di i membri di stu prughjettu
• Rivene à a lista di tutti i prughjetti
• Rivene à a lista di tutti i prugrammi