Traduzzione.md

A traduzzione in lingua corsa di FileZilla

Distribuzione

• A prima traduzzione in corsu hè stata distribuita cù a versione 3.7.4 di ferraghju di u 2014

Traduttore

• Patriccollu di Santa Maria è Sichè

Pagina di u situ web ufficiale nant’à a traduzzione

• https://filezilla-project.org/translations.php

Ciò ch’ella ci vole per traduce

• Obligatoriu
  • U prugramma Poedit per manighjà - i schedarii gettext cù un’estensione .po o .pot
• Ozzionale
  • U prugramma OmegaT per rende più faciule a traduzzione di u schedariu di lingua
  • U prugramma Notepad++ per mudificà un testu o paragunà - via un estensione - duie versioni di testu

I schedarii di lingua à traduce

• U furmatu di u schedariu : .po o .pot
• U mudellu (.POT) di a fonte d’origine in inglese
• U schedariu (.PO) in lingua corsa (in modu testu)

U dipositu di tutte e lingue di FileZilla si trova nant’à u so situ Web :
https://filezilla-project.org/translations.php

U dipositu di tutta a fonte di FileZilla si trova nant’à un dipositu Subversion :
https://svn.filezilla-project.org/svn/FileZilla3

Cumu sapè quandu ci hè qualcosa di novu à traduce ?

• À ogni mumentu, a squadra di sviluppu di FileZilla pò mudificà e catene di fonte nant’à u so situ Web aghjunghjendu catene nove è mudifichendu o squassendu catene anziane.
• In stu casu, si vede nant’à sta pagina, un numeru è un percentuale in a culonna Untranslated, in pettu à a lingua Corsican.

Cumu fà a traduzzione ?

A traduzzione ùn si pò micca fà in linea. A sola manera hè di traduce in lucale, cù Poedit o OmegaT.

Traduce cù Poedit

• Si pò impiegà stu metoda quandu ci hè poca affare à traduce.
• Scaricà u schedariu di lingua corsa co.po
• Lancià Poedit
• Apre u schedariu co.po
• Sceglie l’ozzione Affissà eppò Elementi micca tradutti in primu
• Traduce in lingua corsa e catene di lingua inglese chì ùn sò ancu tradutte
• Verificà a sintassa cù l’ozzione Catalogu eppò Validà e traduzzioni

Traduce cù OmegaT

• Stu metoda hè piuttostu ricumandatu quandu ci hè assai catene à traduce.
• Seguitate l’istruzzioni per l’adopru di l’appiecazione OmegaT.

Cumu verificà a traduzzione ?

• U cuntrollu di a sintassa di u vostru schedariu .po si face via a pagina di e traduzzioni
• Nant’à sta pagina, dopu à Compile this file:, cliccà nant’à u buttone Parcourir…
• Selezziunà u vostru schedariu di lingua corsa
• Tandu cliccà nant’à u buttone Compile è verificà chì ùn ci hè micca di messaghju di sbagliu

Istruzzioni per piglià in contu u novu schedariu di lingua corsa

Quandu u vostru schedariu di lingua corsa hè prontu nant’à u vostru urdinatore, ci vole à mandà un messaghju elettronicu à u sviluppatore di FileZilla è aghjunghje u schedariu di lingua corsa co.po à u vostru inviu.