Traduzzione.md

A traduzzione in lingua corsa di Common Voice

Distribuzione

• A prima traduzzione in lingua corsa hè principiata di settembre di u 2020
• Una cronolugia di tutte e mudificazioni si trova nant’à GitHub :
  • cross-locale.ftl
  • messages.ftl

Traduttore

• Orsu, Patriccollu di Santa Maria è Sichè, Paulucciu, Seb

Pagina di a squadra corsa nant’à a traduzzione di i prughjetti Mozilla

• https://pontoon.mozilla.org/co/

Siti web di Common Voice

• Situ di sviluppu in corsu
• Situ di verificazione in corsu
• Situ di pruduzione in corsu http://commonvoice.mozilla.org/co ùn hè ancu dispunibule
• Situ di pruduzione in francese

Ciò ch’ella ci vole per traduce

• Obligatoriu
  • Un contu Pontoon chì si pò ottene da quì : https://accounts.firefox.com/oauth/signin
  • Una dumanda di participazione nant’à Pontoon à a traduzzione di Common Voice
• Ozzionale
  • U prugramma OmegaT per traduce u schedariu di lingua
  • U prugramma Notepad++ per mudificà un testu o paragunà - via un estensione - duie versioni di testu

I schedarii di lingua à traduce

• U furmatu di i schedarii : .ftl
• E fonte d’origine in inglese sò :
  • cross-locale.ftl
  • messages.ftl

U dipositu di tutte e lingue tradutte di Common Voice si trova nant’à GitHub :
https://github.com/common-voice/common-voice/tree/main/web/locales

U dipositu di tutta a fonte di Common Voice si trova nant’à GitHub :
https://github.com/common-voice/common-voice

Cumu sapè quandu ci hè qualcosa di novu à traduce ?

• À ogni mumentu, a squadra di sviluppu di Common Voice pò mudificà e catene di fonte nant’à Pontoon aghjunghjendu catene nove è mudifichendu o squassendu catene anziane. In stu casu, si vede un avertimentu nant’à Pontoon, insù è à dirittu, cù un’icona di campana 🔔 di culore rossu accant’à a vostra icona d’utilizatore. È cù un cliccu nant’à sta campana, si pò fighjà tutti i messaghji d’avertimentu.
• Si pò fighjà e catene chì fermanu à traduce nant’à sta pagina :
  https://pontoon.mozilla.org/co/common-voice/all-resources/?status=missing
• Di più, quandu s’appronta una nova versione, si pò fighjà una data Deadline in pettu à u prughjettu nant’à a pagina di a squadra corsa nant’à a traduzzione di i prughjetti Mozilla.
• Hè ricumandatu dinù di scrivessi à stu foru Discourse di moz:lla per leghje l’articuli nant’à a traduzzione (l10n = localization) di i prughjetti Mozilla.

Cumu fà a traduzzione ?

In linea

• Si pò impiegà stu metoda quandu ci hè poca affare à traduce.
• A traduzzione si face direttamente in linea nant’à u situ Pontoon :
  • cross-locale.ftl
  • messages.ftl
• L’appiecazione Pontoon, grazia à a so memoria di traduzzione, hè capace di truvà e catene uguale o simile è di pruponele per aiutavvi à traduce. Di più, si pò dinù fighjà a traduzzione pruposta da d’altre lingue, cum’è u francese o u talianu. Toccu à voi di selezziunà e lingue chì vi piacenu in e preferenze di Pontoon.

In lucale

• Stu metoda hè piuttostu ricumandatu quandu ci hè assai catene à traduce.
• Ùn ci vole micca à impiegà Pontoon per espurtà i schedarii di lingua à traduce (>Download Translations) perchè st’azzione scaricheghja quelli in lingua corsa.
• Ci vole à scaricà i schedarii in lingua inglese è appruntalli per OmegaT. Per sapene di più, seguitate l’istruzzioni per l’adopru di l’appiecazione OmegaT.
• Tandu, si pò fà a traduzzione nant’à u vostru urdinatore cù st’appiecazione chì hà una memoria di traduzzione tamanta grazia à e traduzzioni di tutti i vostri prughjetti, qualsissia i furmati di i schedarii di traduzzione. Cum’è Pontoon, st’appiecazione hè capace di truvà e catene uguale o simile per aiutavvi à traduce.
• Dopu a traduzzione, ci vole à impiegà Pontoon per impurtacci i schedarii di traduzzione (>Upload Translations).

Liami di navigazione nant’à stu situ

• Rivene à a lista di i membri di stu prughjettu
• Rivene à a lista di i membri di i prughjetti Mozilla
• Rivene à a lista di tutti i prughjetti
• Rivene à a lista di tutti i prugrammi