Skip to content

Latest commit

 

History

History
155 lines (102 loc) · 11.5 KB

Traduzzione.md

File metadata and controls

155 lines (102 loc) · 11.5 KB
Raw

A traduzzione in lingua corsa di Notepad++

Distribuzione

Traduttore

  • Patriccollu di Santa Maria è Sichè

Pagina di u situ Web ufficiale nant’à a traduzzione

Ciò ch’ella ci vole per traduce

  • Richiestu
    • Un contu nant’à GitHub
  • Ozzionale
    • Notepad++, prugramma per mudificà un testu, paragunà duie versioni di testu, o trasfurmà u cuntenutu cù una prucedura pre-arregistrata
    • OmegaT, prugramma per traduce i schedarii cù l’estensioni .lng

I schedarii di lingua à traduce

U dipositu di tutta a fonte di Notepad++ si trova nant’à GitHub :
https://github.com/notepad-plus-plus/notepad-plus-plus
https://github.com/notepad-plus-plus/wingup

L’interfaccia di Notepad++

I schedarii di lingua si trovanu in u cartulare /nativeLang/.

U so cumpunente wingup

wingup hè u cumpunentu di Notepad++ chì s’incaricheghja e messe à livellu di u prugramma.

I schedarii di lingua di wingup si trovanu in un altru cartulare specificu

Cumu sapè quandu ci hè qualcosa di novu à traduce ?

Trà duie versioni, a squadra di Notepad++ pò mudificà e catene di fonte nant’à GitHub aghjunghjendu catene nove, mudifichendu o squassendu catene anziane. Quandu st’operazione si face, ùn hè micca pussibule di riceve autumaticamente un messaghju elettronicu, cum’è per indettu, via un’iscrizzione à una lista di distribuzione.

Ci hè una funzione in GitHub per cunnosce tutte e mudificazioni fatte (commits) nant’à a fonte d’origine :
https://github.com/notepad-plus-plus/notepad-plus-plus/commits/master/PowerEditor/installer/nativeLang/english.xml

Un cliccu nant’à ogni mudificazione vi permette di fighjà tutte e sfarenze trà duie versioni : e linee squassate, cambiate o aghjunte. Ma qu’ella operazione hè manuale.

Per furtuna, ci hè un’altra funzione in GitHub chì permette d’ingenerà un flussu di nutizie Atom secondu l’attività di GitHub, per indettu quand’un schedariu hè mudificatu. È si pò riceve un avvertimentu in Thunderbird quand’un tale flussu hè ingeneratu.

Per sapene di più, fighjate l’istruzzioni per impiegà un flussu di GitHub è riceve l’infurmazione nant’à Thunderbird.

I flussi Atom

Eccu i flussi à cuttighjà ch’ella ci vole à definisce in Thunderbird grazia à un abbunamentu :

U primu è u secondu liame permettenu di sapè quandu ci hè una mudificazione di u schedariu di e catene inglese à traduce. L’ultimu liame ghjove à esse infurmatu quandu ci hè una versione nova di Notepad++.

Cumu fà a traduzzione ?

  • Notepad++ ùn prupone alcuna appiecazione - nè lucale, nè nant’à u Web - per fà a traduzzione

  • Per fà què, hè ricummandatu d’impiegà OmegaT perchè hè capace di mudificà u furmatu di schedariu .lng. Per sapene di più, seguitate l’istruzzioni per l’adopru di l’appiecazione OmegaT

Istruzzioni per piglià in contu u novu schedariu di lingua corsa

Quandu u vostru schedariu di lingua corsa hè prontu nant’à u vostru urdinatore, ci vole à impiegà GitHub per pigliallu in contu, vole si dì dumandà a mudificazione di a versione attuale di u schedariu di destinazione per ch’ella sia rimpiazzata da a vostra versione lucale.

  • Andà nant’à u situ ufficiale di Notepad++ o quellu di u so cumpunente wingup

  • Cliccà nant’à u buttone Go to file è scrive « corsican.xml » per circà stu schedariu

  • Cliccà nant’à a linea PowerEditor/installer/nativeLang/corsican.xml per fighjà a versione attuale

  • Cliccà nant’à l’icona di a mina, quella chì si trova tuttu insù à dirittu, trà l’icona di u screnu è quella di l’empiilozzu. Si pò fighjà un cummentu chì dice « Edit the file in your fork of this project ». Vole si dì chì a mudificazione si ferà in lucale, in una copia di u dipositu Notepad++ chì si chjamerà u_mo_nome_github/notepad-plus-plus

  • D’altronde, ci hè u messaghju dicendu : You’re making changes in a project you don’t have write access to. Submitting a change will write it to a new branch in your fork u_mo_nome_github/notepad-plus-plus, so you can send a pull request.

  • In a sessione di mudificazione « Edit file » chì s’apre, rimpiazzà a versione attuale da a vostra versione lucale di u schedariu di lingua corsa

  • Verificà e mudificazioni grazia à l’unghjetta « Preview changes ». S’ellu ci hè qualcosa à cambià, si pò sempre mudificalla via l’unghjetta « Edit file »

  • Quandu u schedariu hè prontu, ci vole à andà tuttu inghjò. Sottu u paragrafu Propose changes scrivite un cummentu per spiegà perchè u schedariu hè mudificatu. Per indettu : Update Corsican translation for Notepad++ 7.9.6

  • Cliccà nant’à u buttone « Propose changes » per acccettà e mudificazioni direttamente ver di una nova ghjamba lucale. Da bona regula, a ghjamba principale (o maestra) si chjama Master è l’altre, impiegate per i cambiamenti sò chjamate autumaticamente patch-1, …, patch-n

  • Una funzione « Comparing changes » vi prupone di paragunà a versione attuale :
    base repository: notepad-plus-plus/notepad-plus-plus/ base: master
    cù a vostra versione creata pocu fà :
    head repository: u_mo_nome_github/notepad-plus-plus/ compare: patch-1
    ✔️ Able to merge. These branches can be automatically merged.

    Ci hè un buttone verde Create pull request ma ùn ci vole micca à fà què subitu !

  • Avà, ci vole à rinuminà sta ghjamba creata pocu fà perchè Notepad++ richiede una nova ghjamba per ogni mudificazione. U nome ricumandatu hè NPP_aaaammgg induve aaaa=l’annu, mm=u mese è gg=u ghjornu), per indettu NPP_20210328

  • Andà à u vostru dipositu lucale nant’à GitHub : https://github.com/u_mo_nome_github/notepad-plus-plus

  • Cliccà nant’à u buttone cù u numeru di e ghjambe chì si trova trà u buttone Master è u numeru d’etichette (tags)

  • Cliccà nant’à l’icona di a mina, in pettu à u nome di a nova ghjamba, per indettu patch-1, per cambiallu

  • Rimpiazzà u nome attuale da NPP_aaaammgg è cliccà nant’à u buttone Rename branch

  • Andà à l’unghjetta « Code » per vede l’ultimu cambiamentu. Ci hè un messaghju dicendu :
    NPP_aaaammgg had recent pushes less than a minute ago

  • Appughjà nant’à u buttone verde Compare & pull request

  • Avà, ghjè a funzione « Open a pull request » chì torna vi prupone di paragunà a versione attuale :
    base repository: notepad-plus-plus/notepad-plus-plus/ base: master
    cù a vostra versione creata pocu fà :
    head repository: u_mo_nome_github/notepad-plus-plus/ compare: NPP_aaaammgg
    ✔️ Able to merge. These branches can be automatically merged.

  • L’azzione Pull Request hè una dumanda à a squadra Notepad++ per accettà a nova versione cù e vostre mudificazioni. Un titulu per sta dumanda hè prupostu ; ghjè quellu dighjà scrittu per spiegà i cambiamenti : Update Corsican translation for Notepad++ 7.9.6
    Si pò cambià u titulu.

  • Ci vole à aghjunghje un cummentu. Fighjate a cronolugia di e dumande scorse per sapene di più

  • Quandu a vostra dumanda - titulu è cummentu - hè pronta, cliccà nant’à u buttone Create pull request

  • Una nova dumanda hè stata creata per appruntà una fusione :
    1 commit into notepad-plus-plus:master from u_mo_nome_github:NPP_aaaammgg

  • Ci vole à aspettà chì sta dumanda sia trattata da a squadra Notepad++. Si pò seguitalla in a lista di tutte e dumande aperte. Què pò piglià parechji ghjorni, o ancu settimane

  • Fin’tantu chì a vostra dumanda ùn hè stata ancu trattata, s’ella hè bisognu, ci hè pussibule di fà d’altre mudificazioni :

    • Andà nant’à a vostra dumanda cù https://github.com/notepad-plus-plus/notepad-plus-plus/pull/nnnn/commits
      induve nnnn hè u numeru di a vostra dumanda
    • Cliccà nant’à a mudificazione a più recente (s’ella ci n’hè più d’una) per fighjà e vostre mudificazioni fatte pocu fà
    • Cliccà nant’à u segnu ... tuttu à dirittu nant’à a linea PowerEditor/installer/nativeLang/corsican.xml
    • Sceglie l’ozzione Edit file
    • Mudificà u schedariu di lingua corsa
    • Quandu u schedariu hè prontu, ci vole à andà tuttu inghjò. Sottu à u paragrafu Commit changes scrivite un cummentu per spiegà perchè u schedariu hè statu mudificatu. Per indettu : Update Corsican translation for Notepad++ 7.9.6
    • Cliccà nant’à u buttone « Commit changes » per acccettà e mudificazioni direttamente ver di a vostra ghjamba lucale NPP_aaaammgg
    • Si pò vede un paragone di e sfarenze trà a versione attuale è a vostra ultima versione :
      u_mo_nome_github wants to merge 2 commits into notepad-plus-plus:master from u_mo_nome_github:NPP_aaaammgg
    • Cliccà nant’à Conversation per fighjà a cronolugia di a vostra dumanda
    • Si pò aghjunghje un cummentu, per indettu per spiegà chì st'ultima mudificazione era per traduce una mudificazione recente di u schedariu di fonte in inglese
    • Tandu si facenu parechji cuntrolli in GitHub grazia à a funzione appveyor è si pò vede cù un circulu ghjallu chì serà rimpiazzatu cù u segnu ✔️ quandu i cuntrolli seranu compii

  • Quandu sta dumanda hè stata pigliata in contu da Don, u sviluppatore di Notepad++, si pò squassà a vostra ghjamba lucale NPP_aaaammgg

Liami di navigazione nant’à stu situ