Traduzzione.md

A traduzzione in lingua corsa di Video DownloadHelper

Distribuzione

• A prima traduzzione in corsu hè stata dispunibule nant’à stu situ di dicembre di u 2020
• Tandu hè stata distribuita cù a versione 7.6.1a1 di lugliu di u 2021
• Ma per ch’ella sia impiegata autumaticamente da u navigatore, ci vulerà à aspettà chì i navigatori internet, tale Mozilla Firefox, Google Chrome è Microsoft Edge, accetteghjinu a lingua corsa !
• In st’attesa, ci vole à seguità l’istruzzioni per installà l’interfaccia in lingua corsa

Traduttore

• Patriccollu di Santa Maria è Sichè

Pagina ufficiale di u situ web nant’à a traduzzione

• https://groups.google.com/g/video-downloadhelper-internationalization

Ciò ch’ella ci vole per traduce

• Richiestu
  • Un iscrizzione à u foru di traduzzione di Video DownloadHelper
• Ricumandatu
  • OmegaT, prugramma per traduce i schedarii cù l’estensioni .json
  • Notepad++, prugramma per mudificà un testu, paragunà duie versioni di testu, o trasfurmà u cuntenutu cù una prucedura pre-arregistrata

I schedarii di lingua à traduce

• U furmatu di schedariu : .json

Cumu sapè quandu ci hè qualcosa di novu à traduce ?

• Quandu s’appronta una nova versione, a squadra di Video DownloadHelper mudificheghja e catene di fonte aghjunghjendu catene nove o mudifichendu catene anziane.
• Di regula, si pò scopre ste nove catene in una versione beta chì si pò scaricà da quì :
  https://www.downloadhelper.net/firefox/betas

Cumu fà a traduzzione ?

• Ùn ci hè alcunu situ in linea per urganizà a traduzzione di Video DownloadHelper
• Sta traduzzione si face di manera manuale direttamente in l’interfaccia di Video DownloadHelper osinnò cù un editore di testu di a vostra scelta
• Quantunque, hè ricumandatu d’impiegà :
  • Notepad++ chì pò trasfurmà u furmatu di u schedariu .json grazia à una prucedura pre-arregistrata
  • OmegaT chì pò aiutavvi à traduce perchè hè capace, grazia à a so memoria di traduzzione, di truvà e catene uguale o simile è di vi e prupone. In più di què, st’appiecazione, chì cunnosce tutte e vostre traduzzioni, hà una memoria di traduzzione tamanta
• In duie parolle, una memoria di traduzzione s’assumiglia un pocu à un dizziunariu chì pò cambià autumaticamente e catene in inglese cù a so traduzzione in corsu

Quandu ci hè poca affare à traduce

• A traduzzione si pò fà direttamente in l’interfaccia di Video DownloadHelper
• Fà un cliccu dirittu nant’à l’icona di l’interfaccia di Video DownloadHelper installata nant’à u vostru navigatore
• Sceglie : Preferenze > Più… > Traduzzione
• Traduce e catene chì sò, sia viote, sia sempre in inglese
• Fà un cliccu nant’à u buttone Save
• Fà un cliccu nant’à u buttone Export

Quandu ci hè parechje catene à traduce

• Seguitate l’istruzzioni per l’adopru di l’appiecazione OmegaT

Istruzzioni per piglià in contu u novu schedariu di lingua corsa

Quandu u schedariu di lingua corsa hè prontu, ci vole à fà un postu nant’à u foru di traduzzione di Video DownloadHelper è mette u schedariu message.json in pezza aghjunta.

Liami di navigazione nant’à stu situ

• Rivene à a lista di i membri di stu prughjettu
• Rivene à a lista di tutti i prughjetti
• Rivene à a lista di tutti i prugrammi