Sti siti di lucalizazione sò piattaforme chì permettenu di traduce in linea i schedarii di lingua inglese chì sò stati creati è mudificati da i sviluppatori di e prugrammi.
Per impiegalli, ci vole à iscrivesi - cù un nome d’utilizatore è una parolla d’intesa - è sottumette una dumanda di participazione à a traduzzione di u prugramma sceltu.
Sti siti sò capace, grazia à una memoria di traduzzione (MdT) - chì s’assumiglia un pocu à un glossariu - di truvà e catene uguale o simile è vi e prupone per aiutavvi à traduce in lingua corsa. È pocu à pocu, grazia à e vostre traduzzioni, sta memoria cuntene di più in più di parolle.
Di regula, i siti di lucalizazione pruponenu dinù funzioni d’impurtazione è d’espurtazione chì sò assai ghjuvevule quand’ellu s’impiega un prugramma di traduzzione assistata da urdinatore (TAO) installatu nant’à u vostru urdinatore, cum’è OmegaT o Poedit.
Crowdin hè impiegatu per amministrà omancu e traduzzioni di sti prugrammi :
Basta un cliccu nant’à u nome di u prugramma per affissà i schedarii tradutti in lingua corsa.
(*) U situ richiede d’esse cunnessu cù u so nome d’utilizatore per affissà a lista di i schedarii.
Launchpad hè impiegatu per amministrà omancu e traduzzioni di stu prugramma :
Basta un cliccu nant’à u nome di u prugramma per affissà u statu di e lingue tradutte.
Pontoon hè impiegatu per amministrà e traduzzioni di i prudutti di a fundazione Mozilla.
Ci hè una pagina per ogni lingua tradutta. Eccu quella di a lingua corsa :
https://pontoon.mozilla.org/co/
Lighjite st’infurmazione per sapene di più nant’à Pontoon.
Transifex hè impiegatu per amministrà omancu e traduzzioni di sti prugrammi :
- Audacity (*)
- HandBrake (*)
- VLC Media Player (*)
Basta un cliccu nant’à u nome di u prugramma per affissà i schedarii tradutti in lingua corsa.
(*) Tutti i siti Transifex richiedenu d’esse cunnessu cù u so nome d’utilizatore per affissà a lista di i schedarii.
Weblate hè impiegatu per amministrà omancu e traduzzioni di sti prugrammi :
Basta un cliccu nant’à u nome di u prugramma per affissà i schedarii tradutti in lingua corsa.