-
Notifications
You must be signed in to change notification settings - Fork 1
/
gv_news_1821.html
1497 lines (1268 loc) · 75.2 KB
/
gv_news_1821.html
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150
151
152
153
154
155
156
157
158
159
160
161
162
163
164
165
166
167
168
169
170
171
172
173
174
175
176
177
178
179
180
181
182
183
184
185
186
187
188
189
190
191
192
193
194
195
196
197
198
199
200
201
202
203
204
205
206
207
208
209
210
211
212
213
214
215
216
217
218
219
220
221
222
223
224
225
226
227
228
229
230
231
232
233
234
235
236
237
238
239
240
241
242
243
244
245
246
247
248
249
250
251
252
253
254
255
256
257
258
259
260
261
262
263
264
265
266
267
268
269
270
271
272
273
274
275
276
277
278
279
280
281
282
283
284
285
286
287
288
289
290
291
292
293
294
295
296
297
298
299
300
301
302
303
304
305
306
307
308
309
310
311
312
313
314
315
316
317
318
319
320
321
322
323
324
325
326
327
328
329
330
331
332
333
334
335
336
337
338
339
340
341
342
343
344
345
346
347
348
349
350
351
352
353
354
355
356
357
358
359
360
361
362
363
364
365
366
367
368
369
370
371
372
373
374
375
376
377
378
379
380
381
382
383
384
385
386
387
388
389
390
391
392
393
394
395
396
397
398
399
400
401
402
403
404
405
406
407
408
409
410
411
412
413
414
415
416
417
418
419
420
421
422
423
424
425
426
427
428
429
430
431
432
433
434
435
436
437
438
439
440
441
442
443
444
445
446
447
448
449
450
451
452
453
454
455
456
457
458
459
460
461
462
463
464
465
466
467
468
469
470
471
472
473
474
475
476
477
478
479
480
481
482
483
484
485
486
487
488
489
490
491
492
493
494
495
496
497
498
499
500
501
502
503
504
505
506
507
508
509
510
511
512
513
514
515
516
517
518
519
520
521
522
523
524
525
526
527
528
529
530
531
532
533
534
535
536
537
538
539
540
541
542
543
544
545
546
547
548
549
550
551
552
553
554
555
556
557
558
559
560
561
562
563
564
565
566
567
568
569
570
571
572
573
574
575
576
577
578
579
580
581
582
583
584
585
586
587
588
589
590
591
592
593
594
595
596
597
598
599
600
601
602
603
604
605
606
607
608
609
610
611
612
613
614
615
616
617
618
619
620
621
622
623
624
625
626
627
628
629
630
631
632
633
634
635
636
637
638
639
640
641
642
643
644
645
646
647
648
649
650
651
652
653
654
655
656
657
658
659
660
661
662
663
664
665
666
667
668
669
670
671
672
673
674
675
676
677
678
679
680
681
682
683
684
685
686
687
688
689
690
691
692
693
694
695
696
697
698
699
700
701
702
703
704
705
706
707
708
709
710
711
712
713
714
715
716
717
718
719
720
721
722
723
724
725
726
727
728
729
730
731
732
733
734
735
736
737
738
739
740
741
742
743
744
745
746
747
748
749
750
751
752
753
754
755
756
757
758
759
760
761
762
763
764
765
766
767
768
769
770
771
772
773
774
775
776
777
778
779
780
781
782
783
784
785
786
787
788
789
790
791
792
793
794
795
796
797
798
799
800
801
802
803
804
805
806
807
808
809
810
811
812
813
814
815
816
817
818
819
820
821
822
823
824
825
826
827
828
829
830
831
832
833
834
835
836
837
838
839
840
841
842
843
844
845
846
847
848
849
850
851
852
853
854
855
856
857
858
859
860
861
862
863
864
865
866
867
868
869
870
871
872
873
874
875
876
877
878
879
880
881
882
883
884
885
886
887
888
889
890
891
892
893
894
895
896
897
898
899
900
901
902
903
904
905
906
907
908
909
910
911
912
913
914
915
916
917
918
919
920
921
922
923
924
925
926
927
928
929
930
931
932
933
934
935
936
937
938
939
940
941
942
943
944
945
946
947
948
949
950
951
952
953
954
955
956
957
958
959
960
961
962
963
964
965
966
967
968
969
970
971
972
973
974
975
976
977
978
979
980
981
982
983
984
985
986
987
988
989
990
991
992
993
994
995
996
997
998
999
1000
<!DOCTYPE HTML>
<html lang="gv">
<!--
Manx prose texts in nineteenth century newspapers (1821–1871).
Edited and brought to normalized orthography by Christopher Lewin;
published by Adrian Cain of Culture Vannin. To the extent possible
under law, Christopher Lewin and Adrian Cain have waived all
copyright and related or neighboring rights to this corpus.
This work is published from the Isle of Man.
Public Domain — https://creativecommons.org/publicdomain/zero/1.0/
-->
<head>
<meta charset="utf-8"/>
<title lang="en">Manx prose texts in nineteenth century newspapers</title>
<link rel="license"
href="https://creativecommons.org/publicdomain/zero/1.0/"/>
</head>
<body>
<article>
<header><h1>Dys Robin Briw</h1></header>
<p>Dys Robin Briw, ny quoi-erbee eh hene ta shirrey cur lesh stiagh
y Ghaelg reesht.</p>
<p>Doolish, Jecrean, yn un laa yeig jeh Mee veanagh y yeuree, 1821.</p>
<p>Cha s’aym’s nee Robin ny Thom ny Juan t’ort; agh dy veeit mee
rish yn ennym Robin Briw ’sy phabyr, as dyn ennym elley: agh ta mee
ouryssagh ny-yeih dy vel shiu myr y çhenn Legion roish nish, as dy
vel shiu ymmodee; son cheayll mee jiu roie. Ta mee goaill yindys
cre ta jannoo ort, solley ta! Va mee dy slane kiarail loayrt rhyt
roish nish, agh duirree mee orrym tammylt, jerkal rish tooilley
ommijys void. T’eh jeeaghyn nish myr dy r’ou er n’ghoaill fea; agh
ta mee dooyteilagh dy bee oo ec obbyr reesht, cha leah’s yiow
caa.</p>
<p>Cre wooishagh oo? Nee dy chur lesh Gaelg reesht er e toshiaght,
as myr shen dooney magh schlei as soilshey as tushtey veih
Manninee? T’ou steetagh dy liooar, raad t’ou gra nagh vel oo
shirrey lhiettal y Vaarle—ec y traa cheddin dy vel oo moylley
Gaelg! Vel oo sheiltyn ayns dty chree, dy re blebbinyn sleih?
Verrym’s fys dhyt er, nee blebbinyn Manninee, mannagh nee!
Manninagh, t’ou fakin mish, chammah rhyt’s: agh ghoin nearey
moylley mee-hushtey as lhag-ynsagh da my gheiney çheerey. Shynney
lhiam ad foddey ro vie dy chraidey moo myr shen, na dy chur lheid y
vranlaadee ayns nyn ging, as çheu-mooie jeh shen cur shaghrynys er
y çheeloghe aeg ta girree. Wooishin ad dy heet myr çheernyn
elley—ynsit—as geyrit, as coamrit lesh schlei; choud’s t’ou uss,
t’eh laik, son freayll ad sheese dys nyn shenn oayll, nagh loayr ad
dys earishyn foddey brenneein dy ghlare agh Gaelg. Gow coyrle, lah,
as bee feagh.</p>
<footer>
<p>Manks Advertiser,
<time datetime="1821-12-13">1821-12-13</time></p>
</footer>
</article>
<article>
<header><h1>T’eh dooghyssagh</h1></header>
<p>T’eh dooghyssagh da deiney geearree reddyn noa; cha nee edyr son
dy vel ad veg share na lheid’s v’ad cliaghtit orroo, agh eer son dy
vel ad noa, as dyn oyr arragh. Ta aigney dooinney myr shen er ny
chummey, dy vel eh graihagh er caghlaa: shoh dooghys yn annym
beayn. Ta e breeghyn cha earrooagh nagh vel mooads erbee dy hushtey
ny dy schlei, fysseree erbee cha dowin as cha soilshit shen, nagh
vel sthill fondagh as shegin er caghlaa ynsagh. Cha vel lheamys dy
ve currit son shoh, myr foill—er yn oyr dy vel eh cummey nyn dooie,
as dy vel eh myr shen pointit cour ymmydyn y vea. Agh lhisagh
twoaie ve currit da’n jerrey. Caghlaa erbee ta jeh foays, shen as
shen ynrycan lhisagh ve yn ard red huggey dy yeeaghyn. My t’eh jeh
foays, t’eh eisht jeh scansh, as lhisagh eh ve taaghit. Mannagh
vel, lhisagh eh ve jiooldit rish.</p>
<p>Nish red ta cur brah er nhee dy vel mie as vondeishagh, cha vod
red erbee ve n’oi. Ta resoon, yn ard-vree t’ayns dooinney, gynsagh
shin dy plain dy vel yeearree dy ynsagh nhee erbee mie kiarit son
foays y pheiagh; as er yn oyr shen, t’eh ard-chiarail Yee ny grayse
dy beagh eh eiyrit da. Ta caghlaa tushtey jeh dagh nhee kiarit dy
leeideil shin dys foays. Er-y-fa shen t’eh choud shen mie, as t’eh
ard-chreenaght sheelnaue, dy ooraghey lheid y mian. Son ta miandys
hene goaill cummey veih’n jerrey ta jeeaghit huggey. Ta tushtey as
schlei, ta resoonys as keeall jeh caghlaaghyn sorçh jeh foays ayns
wheesh as dy vel ad dys vondeish.</p>
<p>Eer myr shen bentyn da’n ynsagh ta ry gheddyn ayns coontaghyn
naightoilagh cadjin y laa, ny’n çhiaghtin ta goll shaghey. T’eh
ooilley son soilshaghey shin ayns caghlaaghyn nhee; t’eh myr shen
cur caa dooin jannoo’n reih shen lhisagh ve ayns pooar dagh unnane
dy yannoo, jeh ny reddyn ta kiongoyrt rish ’sy theihll. Tra ta shin
lhaih coontaghyn jeh reiltys, jeh caghlaaghyn taghyrt fud sheshaght
chadjin, marish ny reddyn ta goaill seose aignaghyn slane
reiltyssyn as pobble—t’ad ooilley son soilshaghey as son jannoo
sleih ny share bentyn da annym as callin. T’ad son cur er sleih
reih ny reddyn s’feeu, as shaghney lheid’s ta neu-vondeishagh.
Shoh’n foays ta ayns cur magh pabyryn cour y çhiaghtin, ayndoo ta
dagh nhee ta taghyrt, mie as sie, ayns coorse y theihll dy baghtal
soilshit—as shoh yn vondeish ta ayns ny jirmayd newspabyr rish.
Er-y-fa shen, ta lheid feeu moylley, my she shen dy vel y sleih ta
dy chur magh eh er çheu foays as aigney mie da deiney; bee lheid
jeh foays cadjin da’n slane theay.</p>
<footer>
<p>Manks Advertiser,
<time datetime="1824-06-10">1824-06-10</time></p>
</footer>
</article>
<article>
<header><h1>Yn emshyr</h1></header>
<p>S’aalin y traa ta er jeet orrin—s’mie son slaynt—as s’mie son
soylley yn vea; as cre cha booisal as lhisagh sleih y ve er cur my
ner yn ghrian sollys jannoo cha boggoil jeh dagh nhee heihlt lesh e
ghoullyn gerjoil! Agh beggan ta’n wooise ta dy cadjin ennit as
soilshit son ny toyrtyssyn bannee ta deiney dy ghoaill soylley jeu.
Er dy chooilley heu yiow main y vunnys aarloo dy hrughanys as dy
phlaiynt. Jir ad dy vel rour çhirmagh—dy vel y faiyr shymley—ny
messyn ayns gaue ve cummit, son laccal y druight ta gientyn
messoilys; dy vel ny cretooryn gaueagh goll neeal—as nagh vel
caslys dy bee palçhey. She, shoh yn red ta marvaanee ny hooirey
kinjagh shegin er—yn phalçhey.</p>
<p>Agh eshyn ghow shin ass brein nyn mayrey, as ta dy nyn gummal
seose er dyn traa ruggyr shin, as dys nyn gione lheeah—as eer dys
oor y vaaish ta dy nyn ymmyrkey; ny lomarcan echeysyn ta fys cre ta
dys nyn voays. Dasyn er-y-fa shen lhisagh shin faagail dagh
nhee—son eshyn yn ayr ain ooilley—shinyn e chloan, as echey share
ta fys cre share dooin. As my t’eh ny cheayrtyn fakin eh mie dy
reayll vondeishyn beggey voin, shegin dooin ny-yeih goaill rish dy
vel ain nastee foddey erskyn nyn doilliu. Liorish e lhiettys jeh
nyn mian t’eh gynsagh shin—liorish cur orrin gennaghtyn nagh vod
main veg y yannoo jin hene—t’eh dy chur shin ayns cooinaghtyn dy re
veihsyn ta dagh nhee; as myr shen t’eh geginagh shin dy yeeaghyn
seose, as dy chur nyn marrant ynrycan er e feoiltys. My ghoys mayd
ain hene y chooish ayns eer aght resoon, yiow main dy vel y seihll
reillt, lurg ooilley, foddey share na oddagh shinyn reill eh, ga dy
beagh ain nyn aigney. Son dy beagh eh ain, cre yinnagh shin?</p>
<p>Lhig da dagh eirinnagh reih emshyr er-lheh da hene. Lhig da
fliaghey y chur lesh neose er e faiyr, as er e vagher foghanagh. Ta
fer jeeragh son thooilley—da fer elley, echey ta giareeyn as
lheeantyn, ta çhiass ny greiney ny s’vondeishee. Ec yn un oor jeh’n
laa ta ooilley shoh dy ve jeant. Cre’n sorçh dy heihll veagh ain?
Ta’n traagh traa-vuinn,—son eck shoh ta çhiass ny greiney mie. Ta’n
ghrian as y çhiass eisht freilt cour ny magheryn shen er-lheh; er
son yn arroo as ny glassyreeyn elley, ta’n fliaghey mie. Cre’n aer
veagh ain—cre ny goullyn-twoaie! Thooillaghyn ayns un ynnyd,
tuittym veih’n vodjal dullyr—çhiass as sollyssid ayns ynnyd elley!
Ec yn un oor, ’syn un laa, nyn shassoo er mullagh slieau, heeagh
shin whilleen caghlaa bodjal, as whilleen shilley neu-chadjin as
verragh nyn dappey voin.</p>
<p>Agh faag main y thalloo, as vermayd shilley er yn aarkey.
Whilleen baatey, as ny shlee na ta ardjyn y chombaase, ta daa-yeig
as feed ayns earroo. Ta dagh unnane oc shirrey goaill coorse
er-lheh; as er-y-fa shen, ta feme caghlaaghyn geay dy heidey. Nagh
beagh ad er y cheilley? Cre’n chragh veagh fud ny baatyn—cre’n
scaalhean er ny lhongyn shiaulley dys whilleen ard er eaghtyr yn
eaynagh vooar!</p>
<footer>
<p>Manks Advertiser,
<time datetime="1824-06-17">1824-06-17</time></p>
</footer>
</article>
<article>
<header><h1>Keesh son kied dy varroo ushagyn</h1></header>
<p>Vanninee dooie, my gheiney çheerey hene, eaisht-jee rhym, as
gow-jee slane tastey jeh ny ta mee goll dy ghra—son t’eh feeu nyn
imnea! Ta shiu er chlashtyn, dyn dooyt, jeh’n leigh tadyr nish mysh
jannoo, bentyn da keesh son kied dy varroo ushagyn. Cre hug ayns
nyn gione lheid yn ommijys cha s’aym—mannagh re dy voddagh fer ny
jees ny vud oc, ta miandagh er bee blaystal as feieys, goaill ass
laue dy voddagh ad jannoo gamman jin. Shickyr dy liooar ’sy traa
t’er n’gholl shaghey, va lheid y roosteyrys surrt, tra haghyr da ve
aigney baanrit ree ny çhiarn ennagh son freayll ooilley ny reddyn
mie da hene. Agh nish ta sleih son toiggal ny share—ta fys as
shickyrys oc dy vel cairys ec dagh dooinney da e chooid, as nagh
b’lhoys da fer erbee çheet stiagh er e circle nagh vel eh lowal
jeh, chamoo vees eh spooillit noi e yioin.</p>
<p>Vanninagh! Shoh yn leigh t’ad nish son jannoo noi ayd. T’eh dy
reayll oo veih lhiggey shott er ushag ayns ny magheryn ayd hene,
choud’s shegin dhyt cur kied da joarree joogh erbee ta fort echey
geeck daa phunt ’sy vlein dy chur lesh e ghreie-baaish çheu-sthie
jeh dty gharey—dy jarroo çheu-sthie jeh stundayrt jeh dty chione—as
goaill y chooid ayd hene ec dty chosh, fegooish dty chied, ny geill
erbee da dty vaggyrt ny dty oghsan. Vel shoh resoon, my heshee
gheiney? Nee shoh cairys? Jir shiu dy vel lheid y reamys leighoil,
ny dy lhisagh eh ve jeant leighoil, choud as ta bree meeyl faagit
ayns Manninee? Meeyl dooyrt mee! She beishteig s’inshley na meeyl
yinnagh surranse lheid yn oltooan; son oltooan hrome eh, dy ghra yn
chooid sloo jeh, dy ve soit orrin myr shen ayns nyn eer magheryn,
as b’lhoys lhien kionnaghey greie-baaish son ny hymmydyn lowal ain
hene, fegooish hoshiaght shirrey kied er—quoi? As my haghyrys da
guiy-feie, ny thunnag, ny patrag, ny eer lhon getlagh shaghey,
shegin faagail eh da’n chied joarree, da’n chied vaarliagh hed
harrish nyn gagliagh!</p>
<p>Veagh shoh naareydagh lhiggey lesh ayns çheer erbee, foddey smoo
ayns çheer, ny leighyn eck ta resoonagh, as follan, as mie—ta cur
slane reamys da dy chooilley unnane jannoo cre saillish rish e
chooid hene. Agh cha vel y leigh noa shoh ennee foast er ve lowit
jeh liorish y ree, chamoo credjym dy bee eh; as t’eh yindys vooar
lhiam’s dy row eh rieau er ny chummey er çheu-sthie jeh’n ellan.
Nee yn Chiare-as-Feed oddagh cur nyn laue dys lheid y leigh? Nee
slane ooashley yn ellan ghoghe ass laue lheid y red?</p>
<p>Agh my gheiney çheerey, ny surr-jee lheid dy ve jeant riu.
Fockle-jee magh nyn giarail dy gow shiu yn leigh jeh dooinney erbee
ghoys er dy hooyl trooid ny magheryn eu lesh gun; as varr-a-mish
diu nagh lhoys da. Ta paart er n’yannoo shoh, as tar ad choud shen
creeney; son lurg shoh cha bee leshtal ec y roosteyr. Ta’n leigh ta
dy reayll dooin nyn gooid hene ny s’troshey na leigh erbee dy vel
er ve jeant, ny vees jeant dy bra.</p>
<p>Slane lhiu. Foddee dy glinn shiu voym reesht. Ta shiartanse dy
reddyn elley ta foym dy screeu foast, tra vees caa aym.</p>
<p>Illiam Dhone.</p>
<p>Mee veanagh yn ouyr, yn 26oo laa, 1833</p>
<footer>
<p>Mona’s Herald,
<time datetime="1833-09-28">1833-09-28</time></p>
</footer>
</article>
<article>
<header><h1>Pleadeilys 1</h1></header>
<p>Pleadeilys eddyr daa Vanninagh dooie.</p>
<p>(Juan as Illiam meeiteil.)</p>
<p>Juan. — T’ou çheet.</p>
<p>Illiam. — Ta, t’ou uss çheet neesht.</p>
<p>J. — Ta moghrey fihn ayn.</p>
<p>I. — Ta shen ayn, agh ta traa mie rastagh harrish ain.</p>
<p>J. — Ta dy jarroo. Geayll oo jeh’n lhong va trait laa chaie mooie
jeh Kione Yurby?</p>
<p>I. — Dy ve shickyr—nagh row eh ’sy phabyr?</p>
<p>J. — Cre’n pabyr t’ou uss goaill?</p>
<p>I. — Ta ghaa ny three jin goaill yn Heral eddyr shin; as shimmey
oor pleasal t’eh cur orrin ceau; t’eh cur shaghey yn traa, choud’s
t’eh ginsh jeh ny reddyn ta goll.</p>
<p>J. — Ta Juan Bouyr as mee hene goaill y Sun eddyr shin. Ta wite
pleat jeant ayn er y gherrid shoh mychione y Chiare-as-Feed—wite
çhengleyrys.</p>
<p>I. — Hoh! Ommijys lah—jus rud dy lhieeney yn duillag.</p>
<p>J. — Ta ny smoo na shen ayn. Vel oo toiggal ad?</p>
<p>I. — T’ad mie doillee lhiam ny cheayrtyn, foast strou hene dy vel
mee lane vie.</p>
<p>J. — Insh dou cre ta’n fockle liauyr shen meanal,
‘rebrezentashyn’. T’ad gusal mennick eh, agh cha vel y cheeall my
chione cre t’eh meanal.</p>
<p>I. — Cha s’ayd cre rebrezentashyn! T’ou dty voght glen ny-yeih,
mannagh s’ayd cre rebrezentashyn. Jeeagh ’sy dicksinerry, ghooinney
as yiow jeeragh eh. Vel dicksinerry ayd—foddee nagh vel—eeaseeym’s
nane dhyt.</p>
<p>J. — Oh ta shenn unnane aym ny lhie er y latt ayns shen sthie, agh
ta ny duillagyn eck faggys ooilley raipit assjee; agh yioym un ockle
aynjee foast—nee un duillag shen.</p>
<p>I. — Cre sheeu dhyt boirey? Inshym’s mee hene dhyt, ghooinney.
Rebrezentashyn—ta shen fer shassoo ayns ynnyd fer elley. Ta’n Heral
shassoo er dy lhisagh sleih jannoo leighyn dy phleasal ad hene, cha
nee faagail da’n Kiare-as-Feed ad. As dy jarroo ta mish mee hene
goaill toshiaght dy leaystey red beg bentyn daue. Nagh beagh eh
foddey share dooin stroak ve ain ayns ny coonseilyn oc? Shen myr
tadyr ayns Sostyn. Ta dagh skeerey cur stiagh dooinney ayns yn ynnyd
oc: dooinney reiht lioroo hene. As nagh mie veagh eh dy voghe shin
kied voish y Ree dy reih dooinney ayns y skeerey ain, fer veagh
toiggal feme y skeerey, as myr shen veagh fondagh dy chiarail leighyn
fondagh dooin?</p>
<p>J. — Cha vel mee gobbal. Nish hene t’ad taggloo jeh gobbal kied da
ny heirinnee ta shirrey cur pudaaseyn ass çheer; as ta fys mie ain
ooilley er dy vel shoh red feer neu-chreeney; son cre’n phrice yiow
nish er yn arroo? As cre’n aght nee yn tannys y mayl? Er son feme cha
bee ayn: yiow main palçhey voish Nalbin, as shen ayns traa giare,
lhig da gennid ve ayn ny dyn; agh ta fys ain er un red, bee curnaght
voish ny çheernyn mooie lhieeney stiagh orrin, as freayll sheese
price yn arroo myr boallagh eh, myr shen nagh bee çhionse edyr faagit
dooin.</p>
<p>I. — Ta’n irrin ayd. C’raad yiow sleih argid ec y traa t’ayn dy
eeck ny feeaghyn bleeaney oc? Agh bee eh ny share da ny
leighderyn.</p>
<p>J. — Wahll, wahll, cha vel shoh agh un red ny-yeih, agh shimmey
red t’ayn.</p>
<p>I. — Shoh yn queshtan, vel eh lowal da’n Chiare-as-Feed jannoo
leigh erbee fegooish consent y theay? Er-nonney lhig daue ve reiht
liorish y theay, as eisht veagh dagh skeerey as çhionse echey son
cairys; son oddagh ad eisht jannoo stiagh rish y dooinney mooar oc
hene er dy chooilley oyr jeh egin foshlit ny feme erbee oddagh ve
reaghit liorish leigh noa.</p>
<p>J. — Veagh shoh resoonagh, dy ghra yn chooid sloo jeh. Agh cre
sheeu taggloo? Cha vowmayd nyn aigney!</p>
<p>I. — Kys s’ayd’s son shen? Foddee dy now.</p>
<p>J. — Beggan! Ta’n Kiare-as-Feed as sneih currit orroo, as t’ad
gra dy vel ad corree, as dy vel paart jeu hene screeu ayns y Sun cha
keoi as dy beagh ad dy feer baanrit.</p>
<p>I. — Cha voddym credjal shen—ta sins smoo ayndoo na dy ghoaill
olk rish yn irriney, shickyr. Ta fys mie oc er nagh re noi oc hene
myr deiney er-lheh ta’n chooish bentyn, agh daue myr king-leeidee yn
theay, as shen-y-fa cha vel eh queshtan ta bentyn da resoon cadjin,
chamoo t’eh madyr erbee dauesyn agh dys vondeish y çheer; çheu-mooie
jeh shen, dy beagh ad currit ass oik mairagh veagh eh dys y vondeish
oc hene, son haueagh eh cost daue cha nee beggan, goll dys Balley
Chashtal myr whilleen goayr dys bwoaillee. Ec y chooid smessey veagh
ad myr vadyr: as eer bentyn da nyn ooashley oddagh eh ve ny share,
son oddagh ad, whilleen as ta feeu, ve reiht ass y noa. As lurg
ooilley quoi s’fondagh veagh son y vissness na ad hene?</p>
<p>J. — Cha s’aym’s boy, agh hee main cre jir yn Heral tra hig eh. Ta
mish coontey lane jeh’n Heral. Ta mee treeal goaill eh son y nah
raiee. Eeasee oo dou eh, as eeasym’s y Sun dhyt’s. Bee pleat dewil
goll son shiaghtinyn.</p>
<p>I. — Dyn dooyt cha vod ad ve feagh.</p>
<p>J. — T’ou uss er çheu yn Heral.</p>
<p>I. — Ta mee goaill rish dy vel, as cha nee fegooish resoon. Ta
ooilley yn sleih son echey. Eie stiagh myr t’ou goll shaghey, as
jeeaghym’s dhyt eh.</p>
<p>J. — Feer vie, my vees traa aym nee’m gyllagh er y raad back.</p>
<footer>
<p>Mona’s Herald,
<time datetime="1833-12-27">1833-12-27</time></p>
</footer>
</article>
<article>
<header><h1>Pleadeilys 2</h1></header>
<p>Pleadeilys eddyr daa Vanninagh dooie.</p>
<p>(Juan as Illiam meeiteil.)</p>
<p>Illiam. — Wahll Yuan, kys t’ou goll er bwo? Vel oo rey rish y
Heral? Vel oo er lhaih ny naightyn noa bentyn da’n
Chiare-as-Feed?</p>
<p>Juan. — Cre ny naightyn t’ou meanal? Cha vel mish er vakin nhee
erbee noa ayn edyr, ga dy vel y pobble geearree dy beagh reamys oc
reih yn Chiare-as-Feed. Dys shen t’eh ooilley çheet er-lhiam’s—c’red
elley?</p>
<p>I. — Oh ta ny smoo na shen. Tar ad nish taggloo jeh jannoo accan,
cha nee da’n Ree, agh da’n Chiare-as-Feed ad hene, dy yannoo leigh dy
bee ad maghey shoh reiht liorish sleih ny çheerey, as cha nee lioroo
hene.</p>
<p>J. — Ta’n irrin ayd. Yarrood mish.</p>
<p>I. — Ogh ghooinney, shoh eer bree as smuir y chooish. Ta mish
shickyr jeh nagh vel un er hene jeh’n Chiare-as-Feed nagh jinnagh
sideal lhien ’sy chooish, dy jinnagh shinyn agh jannoo nyn aghin huc
hene hoshiaght, geearree ad dy yannoo leigh ad ve reiht ass y noa,
er-nonney ad ve reiht liorish slane consent y çheer trooid-magh ny
skeeraghyn. Son instans, fer son dagh skeerey as y chooid elley son
ny baljyn-margee. Cre t’ou gra rish shen?</p>
<p>J. — Dy jarroo shynney lhiam’s mie yn resoon ayd; as ta mee dy
jarroo credjal nagh vel wan oc nagh jinnagh nyn laue dys y leigh, as
myr shen settlal y chooish ec slap.</p>
<p>I. — Boy veen cre’n yllagh veagh trooid yn ellan, scoltagh ad ny
creggyn faggys lesh eam. Boy lah, cre’n boggey vees orrin y laa
shen!</p>
<p>J. — Ta mish dy slane jerkal rish y laa shen, Illiam; as son yn
oyr shoh. Inshym’s dhyt red foddee nagh row fys ayd’s er roie. Ta’n
chooid smoo jeh’n Chiare-as-Feed er e hon. Tar ad slane kiarit, ta
mish toiggal, dy yannoo soiagh jeh accan huc liorish y theay, as
gialdyn feaysley.</p>
<p>I. — My t’eh dy feer myr shen, Yuan, cha voddagh Manninee red
s’doaieagh y yannoo na çheet er nyn doshiaght, as cur y chied çhionse
daue, as eisht heeagh sleih cre’n aght harragh ad er.</p>
<p>J. — Veagh eh foddey sloo dy hrubbyl, as çheu-mooie jeh shen,
veagh eh ny s’easal y yannoo, as ooilley çheu-sthie jin hene. Veagh
Manninee goll lesh y cheilley dys yn obbyr, as cha nee roostey nyn
dhoin dys joarreeyn, as ginsh daue ayns Sostyn nagh voddagh shin
jannoo n’egooish oc. Ayns Mannin veg veen ’sy traa t’ayn cha vel
keesh orrin agh lheid as ta shin goaill soylley jeh. Ta keeshyn er ny
queeylyn—wahll, ta raaidyn mie ain; ta keeshyn er ny moddee—wahll, ta
droghadyn noa jeant; ta keeshyn er ny thieyn oast—as cooid lhisagh
ve, son tar ad jannoo wite assee liorish miolagh shenn vlebbinyn as
scollagyn litçheragh dy iu, as dy chur mow nyn saaseyn beaghee. Nish
ta ooilley ny keeshyn shoh currit magh er ny raaidyn ain, as ta shin
sauail liorish; son ta ny queeylyn, as ny cartyn, as ny greienyn, as
ny crouyn cabbil ain ceau foddey sodjey dooin.</p>
<p>I. — Ta ghooinney; as lurg ooilley, she yn Kiare-as-Feed ren y
leigh hug ny keeshyn shoh orrin.</p>
<p>J. — Dy beagh lesh shen, dy beagh ad er n’yannoo dy chooilley nhee
ren ad chammah’s shen, cha row oyr son plaiynt.</p>
<p>I. — Wahll, wahll, hee main. Lhig daue ve reiht liorish y theay,
as eisht—</p>
<p>J. — She, as eisht bee yn sleih cooilleenit. As my hig accan my
raad’s laccal signal, verrym’s my laue huggey.</p>
<p>I. — Verrym neesht. Oie vie, Juan.</p>
<p>J. — Oie vie ayd, Illiam.</p>
<footer>
<p>Mona’s Herald,
<time datetime="1834-02-21">1834-02-21</time></p>
</footer>
</article>
<article>
<header><h1>Leighderyn</h1></header>
<p>Dys Çhaghter-kiaulleeaght Vannin.</p>
<p>Vainshter, ta mish er n’ghoaill tastey jeh’n ymmodee foays ta shiu
er n’yannoo ayns yn ellan veg shoh, liorish sheidey yn cayrn eu. Gow
shiuish kiarail jeh’n ‘Çhenn Phractitioner’ va screeu hiu yn
çhiaghtin chaie, as ny cur shiu kied da screeu myr nane jeh ny
ymmodee king eu. Tra lhaih mee ny screeunyn echey, va soar yn çhenn
shynnagh cha trome gort jeh, dy row mee eginit dy yeigh my stroin.
Haghyr dou keayrt dy ve ayns y Cashtal, as dennee mee yn soar cheddin
ayns shen.</p>
<p>Ta ny leighderyn nish foddey share na v’ad roish traa Roper, ga dy
vel paart oc jannoo bingys dy liooar liorish Kiaullane Balloo. Va ny
briwnyn as leighderyn roish yn traa shen ooilley er yn un çheu; nish
ta keint dy chairys er ny yannoo da’n theay, liorish bingys yn derrey
yeh as kiaulleeaght yn jeh elley. Ta’n shenn shynnagh shen pleadeil
injil dy liooar, as t’eh goaill ayns laue dy chosney cooishyn myr
boallagh eh. Cha vel mee gobbal nagh vel fer ny jees jeh ny
leighderyn aeg ta ceau famman, gollrish moddee veggey as eddin deiney
orroo. Ta mee gra nagh vel mee gobbal nagh vel resoon dy liooar er
çheu yn “Çhenn Phractitioner,” dy choyrt fo smaght ad. Ta daanys yn
jouyl ayns paart oc, as ayns ny jishagyn oc rieau. Foddee dy vel
peccah ny hayraghyn er eiyrtys yn chloan. Gow shiuish kiarail jeh ny
screeudeyryn eu, er son foddee dy</p>
<p>“Geayll shiu jeh Athaliah, yn moddey-oaldey dewil, Tra stroie ee
pobble Yudah, as ghow ee hene yn reill.”</p>
<p>Foddee eh taghyrt dy glinn shiu reesht voish Mannanan Mac
Lear.</p>
<p>Follaghey Vannin, yn çheyoo laa yeig jeh’n sourey.</p>
<footer>
<p>Mona’s Herald,
<time datetime="1834-06-06">1834-06-06</time></p>
</footer>
</article>
<article>
<header><h1>Coyrle da Manninee</h1></header>
<p>Ny vud ocsyn t’eh yn currym ain dy ghoaill rish dy vel shin kianlt
ayns ymmodee booise daue, son yn aigney mie as yn chummal seose oc,
ta shin ayns yn pabyr shoh, ta er ny yannoo ny smoo, ayns aght
er-lheh goaill stiagh nyn vud lheid as ta Manninee dooie, jeh sluight
ooasle Mannanan Mac Lear. Ny whail ocsyn ta shin dy kinjagh er
n’yeeaghyn, ayns yn streeu ain dy chummal seose ny privilegeyn
çhymnit dooin liorish ny shenn ayraghyn ain. Shassoo shickyr ayns yn
chiarail ain dy chummal seose cairyssyn ny çheer ain, as ayns rooteil
seose ny mee-chairyssyn ta er choyrt ayns danjeyr çhiamble casherick
yn constitution ain, liorish fir-oik goaill orroo dy reih ad hene, as
goaill yn oik er mainshtyraght, ayns ynnyd ad ve reiht liorish
cummaltee yn ellan, as ve currit ayns yn oik lioroosyn, dy hassoo
seose er nyn son as dy yannoo cairys ayns nyn ynnyd, ta shin ec dy
chooilley hraa er choyrt nyn dreisht er cummaltee yn çheer ain
hene.</p>
<p>Ta shin er n’gholl er nyn doshiaght myr deiney caggee noi noidyn
yn ellan; ta shin er neginagh ad dy ghoaill rish dy vel ny hobbraghyn
oc lheid as nagh vod ve er ny hurranse liorish yn çheeloghe shoh; ta
shin er cheau foshlit dorrys yn çhiamble dyn-yss, as er neginagh ad
dy choyrt clashtyn da, as dy ockley magh ny haccanyn ain. Agh cha vel
shin foast er ve abyl dy choyrt fo chosh dy chooilley hranlaasagh ta
freayll shin voish feddyn slane reamys; cha vel shin foast er ve abyl
dy choyrt mow dagh drogh chliaghtey ta er nirree seose voish traa dys
traa ny mast’ain, lheid as veagh ayrn erbee jeh reeriaght Hocsyn ayns
nearey roish, as lheid as nagh jinnagh eash erbee, agh ny heashyn
s’dorraghey, y choyrt biallys daue.</p>
<p>Ta’n cooney ta’n laboragh ain er n’gheddyn voish cloan Mannanan
Mac Lear, ga nagh vel ad foast er ve feer vondeishagh, feeu jeh nyn
mooise share—agh ta shin ginsh dy foshlit da ny fir-çheerey ain, dy
re liorish cummal magh ny lomarcan ta’n varriaght dy ve ry gheddyn.
Accanyn ny shenn ayraghyn ain, as ynrickys ashoon Hocsyn ayn va ny
leeideilee dy hroailt ayns yn toilshey er nyn doshiaght.</p>
<p>Ta’n chooish ain mie as troggit er undin shickyr, cha nee er undin
neu-fondagh; she dy charraghey, cha nee dy choyrt mow, Kiare-as-Feed
yn çheer ain ta shin streeu. As ta shin geearree er cummaltee Ellan
Vannin dyn gaase skee ayns jannoo dy mie, son ga nagh vel eh ayns
pooar cretooryn ny lomarcan dy phointeil daue hene leagh nyn
laboragh, lhig daue cooinaghtyn er dy vel ny smoo ayns yn pooar
ock—tar ad abyl toilçhin eh.</p>
<footer>
<p>Mona’s Herald,
<time datetime="1835-02-06">1835-02-06</time></p>
</footer>
</article>
<article>
<header><h1>Dys Manninee dooie</h1></header>
<p>Dys Manninee dooie, cummaltee Ellan Vannin.</p>
<p>Gheiney Seyrey, ayns screeuyn dys cummaltee yn ellan, er yn laa
chaie, ghow mee yn reamys dy ghra focklyn giarrey mychione cairys ta
eu dys yn “elective franchise”—ta shen dy ghra, privilege dy reih as
dy choyrt stiagh Kiare-as-Feed ny çheerey ain. Ayns yn screeuyn
cheddin hass mee magh noi as dob mee firrinys goan va loayrit liorish
unnane jeh ny hard leighderyn ny mast’eu, “dy beagh yn privilege shoh
mollaght as cha nee bannaght.”</p>
<p>Va’n resooney aym’s er ny levallal noi yn Chiare-as-Feed, fir-oik
nagh vel shiuish ayns aght erbee reih ny pointeil, agh fir-oik ta
reih as pointeil ad hene dy hassoo ’syn oik cheddin son ooilley
laghyn nyn mea: cha vel oghsan eu dy choyrt daue ny sneih dy choyrt
orroo. T’ad jannoo leighyn, ta kiangley shiuish as nyn gloan, veih
sheeloghe dys sheeloghe. Va goan yn leighder wheesh as gra, dy beagh
yn phooar eu ny mast’eu hene, voish traa gys traa dy reih as dy
phointeil Kiare-as-Feed ny çheerey, dy hoie ass nyn lieh as er nyn
goontey, son traa veagh er ny enmys, as yn phooar ve freilt dy
chaghlaa ad, my yinnagh shiu my-ner nagh row ad jannoo nyn gooid
share son foays ny çheerey. Va ny goan loayrit, ta mee ginsh diu, gra
“dy beagh yn phooar shoh—pooar ta slane cairys eu huic—mollaght, as
cha nee bannaght.”</p>
<p>Cha jeanym reesht gentrail ayns cooish liauyr dy phrowal
neu-firrinys ny goan shoh, agh ayns aght giare dy hoiagh reue reddyn
yinnagh çheet mygeayrt, dy beagh yn phooar shoh ec ny Manninee, dy
reih Kiare-as-Feed ny çheerey, chammah as yn phooar dy choyrt dys
lhiattee unnane erbee jeu, ec kione yn traa v’ad dy hassoo, nagh
beagh shiu credjal va er yannoo e phaart son foays ny çheerey.</p>
<p>Lhisin hoshiaght gra, dy beagh eh cairagh dy stowal yn “elective
franchise,” ny yn chairys dy votal son fir-oik yn Chiare-as-Feed, er
dy chooilley ghooiney ayns dagh skeerey veagh ayns possession ayns yn
chairys echey hene, as da hene bentyn thalloo, thieyn, ny intackyn
feeu daeed skillin ’sy vlein; as myrgeddin er dagh cotler-thallooin
veagh geeck queig puint mayl, as erskyn. Ayns ny baljyn-margee
lhisagh yn chairys shoh ve ec dagh cummaltagh geeck queig puint ’sy
vlein dy vayl thie, as erskyn. Yn reih shoh dy ve jeant, yn slane
Kiare-as-Feed dy ve votit er nyn son, as jerrey dy ve currit er yn
pholl ayns un laa; as slane pooar ve oc dy hassoo seose ayns ynnyd
nyn vir-çheerey son three bleeaney dy hraa, ny sloo ny veagh ad
currit ass bree, as poll noa ve oardyrit liorish Kiannoort ny
çheerey.</p>
<p>Ta shoh myr oirr mooie, ny sketch giare, jeh’n plan lhisagh ve er
ny ghoaill dy stowal ny mast’eu yn “franchise,” ny yn phooar dy reih
Kiare-as-Feed ny çheerey: dy ve lhieent seose ny lurg shen; as t’eh
pooar ta cairys, as slane cairys eu huggey fegooish foayr voish
dooinney erbee.</p>
<p>Nee’m nish genmys ghaa ny three jeh ny vondeishyn yinnagh girree
voish yn plan shoh dy ve currit ayns bree.</p>
<p>Veagh yn Chiare-as-Feed eisht ayns firrinys ny hassoo ayns ynnyd
yn theay; yinnagh ad cur cleaysh gys accanyn yn sleih, as lesh daanys
shassoo seose ass nyn lieh, noi tranlaasee erbee veagh er nyn vaggyrt
nyn oi, as er son dagh nhee veagh ymmyrçhagh as femoil dy ve jeant er
nyn son. Myr t’ad nish er nyn reih, cha vel ad jannoo yn chied unnane
jeh ny reddyn shoh, as cha lhoys daue yn unnane elley y yannoo.</p>
<p>Currit ayns pooar liorish yn theay, yinnagh ad jeeaghyn lurg argid
cadjin ny çheerey as shassoo seose ayns nyn ynnyd, as goaill kiarail
dy beagh coontey firrinagh currit jeh, as dy row eh er ny vaarail son
ny reddyn smoo ymmyrçh as femoil.</p>
<p>Veagh yn pointeil jeh trusteeghyn ny raaidyn ayns laue yn sleih;
as veagh oc fo’n chiarail oc ny keeshyn troggit voue hene dy yannoo
raaidyn noa, as dy chummal seose ny raaidyn cheddin. Veagh oc marish
shoh yn pointeil jeh dagh fer-oik bentyn dys ny raaidyn fo ny hard
reiltee, erreish da’n phointeil cheddin ve liorish skeeraghyn,
liorish sheidjinyn, ny liorish committee er coontey yn slane
ellan.</p>
<p>Veagh ec yn sleih yn chairys dy reih daue hene briwnyn beggey ny
baljyn margee, as persoonyn jeh’n un oik fud yn çheer, marish dagh
fer ayns oik injil trooid balley as çheer.</p>
<p>Cha beagh ’sy traa shen, keesh, ta goit rish dy ve ymmyrçhagh as
femoil, son cummal seose boghtyn yn ellan, cur aggle as creau ayns ny
heirinnee as ny cummaltee, son wheesh as dy beagh yn cheesh cheddin
er ny oardrail as er ny hroggal lioroo hene dagh blein, ny keeshyn
cheddin dy ve currit er y thalloo, er jagheeyn, as er mayl thieyn—yn
ayrn smoo dy huittym, myr lhisagh eh, er yn sleih jeh’n verçhys smoo.
Veagh yn slane argid er ny rheynn liorish offishearyn er ny phointeil
liorish yn sleih; as son wheesh as dy beagh ayrn jeh’n cheesh shoh
tuittym orroo hene, veagh eh yn vondeish oc dy ve cha sparalagh as
ayns nyn booar ayns baarail yn argid.</p>
<p>Veagh keeshyn son cummal seose ny baljyn-margee er ny hroggal ’syn
aght cheddin, agh veagh ad shoh ayns y clane er ny eeck liorish
cummaltee yn valley.</p>
<p>Ta mee er screeu ny focklyn giarrey shoh hiuish ta Manninee dooie
ayns çhengey ny mayrey, goaill ayns laue dy bee ny ta mee bwooishal
dy hoilshaghey diu, toiggit ny share ayns yn ghlare shen.</p>
<p>Foddee eh ve dy jean shiu clashtyn voym keayrt ennagh elley
mychione ny reddyn shoh; ayns y traa t’ayn creid shiu mee dy ve,
Gheiney seyrey, Nyn sharvaant smoo imlee, Britannicus.</p>
<footer>
<p>Mona’s Herald,
<time datetime="1837-02-07">1837-02-07</time></p>
</footer>
</article>
<article>
<header><h1>Gaelg</h1></header>
<p>Ta mee clashtyn dy vel oo son çheet magh reesht, Robin, as t’eh
cur boggey dou, boy. Shynney lhiam lhaih yn pabyr ayd, er yn oyr dy
vel eh cur naightyn firrinagh, chammah’s dy vel eh jeh ymmyd ayns
caghlaaghyn aght. T’eh cur ny fir-reill ayns cooinaght jeh nyn
gurrym, as ny fir-oik jeh’n chiangley t’ad fo dy chooilleeney cairys.
T’eh myrgeddin bentyn da foays dagh unnane.</p>
<p>Hig oo er ash myr y ghrian lesh goull y voghree, ga dy vel oo son
tammylt er ve fo dullyr. Nee yn soilshey brishey magh ny vegganyn
veih’n vodjal dorraghey, as skeaylee eh harrish sleityn as coanyn
Vannin veg villish nyn gree.</p>
<p>Mastey ymmodee screeudeyryn dy ainjys, smooinee mee dy derrin’s
hood screeuyn ayns Gaelg. Strou hene dy lhisagh Manninee soiagh jeh
nyn ghlare ghooie hene, as soilshagh shen nyn soiaghey liorish ny
cheayrtyn jannoo ymmyd jeh ayns screeu chammah’s pleadeil. Ta’n pabyr
ayd enmyssit shen ta cur lesh fysseree da’n ellan: lhisagh eisht
cowrey ennagh ve ry akin liorish dty gheiney-cheerey, dy vel ayd
aigney braaragh nyn guail, as cur brah er yn aigney shen liorish y
scansh t’ou dy yannoo jeh dagh nhee bentyn daue.</p>
<p>Ta paart jeu, ta fys aym er, ta coontey foddey smoo jeh Baarle, er
yn oyr dy vel eh cur ny smoo dy hoilshey ayns ny nheeghyn ta bentyn
da’n naight as da’n schlei. Agh foast cha nhimmey Manninagh nagh laik
lesh çhengey ny mayrey. Ta ny Bretnee cur magh pabyryn ayns nyn
ghlare ashoonagh. As s’mie veagh eh er ve da Mannin veg, nagh row
rieau yn ghlare eck scughit dys corneil! T’ou toiggal mee, sheillym
pene; as neem’s my phaart dy jean oo maghey shoh toiggal mee sthill
ny share. Son ta lane orrym foast dy ghra—as clinnee oo voym’s
reesht. ’Sy traa t’ayn, aigh mie dy row lhiat!</p>
<footer>
<p>Mona’s Herald,
<time datetime="1840-12-22">1840-12-22</time></p>
</footer>
</article>
<article>
<header><h1>Raaghyn creeney jeh pobble China</h1></header>
<p>Gaelg.</p>
<p>Ta ny raaghyn creeney shoh jeh pobble China, ta shin ec y traa
shoh ayns caggey roo, jeeaghyn nagh vel ad sleih cha giare-cheeallagh
as ta shin cliaghtey jeeaghyn orroo ve.</p>
<p>1. — Ta’n red ta shin feme, mennick freayll ayns nyn laue shen ny
t’ain.</p>
<p>2. — Mannagh vel caslys jeh sterrym, fenee daa cheayrt jeed hene,
caid arrys y chiunid shoh?</p>
<p>3. — Ghoghe dooinney rish lane foays ve echey hene, roish yinnagh
eh beaghey ny mast’ocsyn, ta lesh cooid y veggan jeh.</p>
<p>4. — Cha vel fer ayns jeih thousaneyn feddyn baase voish pyshoon,
as foast ta dy chooilley wan ayns aggle roish: ta ny thousaneyn
feddyn baase voish laanid beaghey, neu-heeltys, as beggan lheill, as
ny-yeih cha nhimmey peiagh ta ayns aggle roish ny huilk shen.</p>
<p>5. — Dy goghe oo ayns laue shiaulley harrish slyst ny marrey er
bleddyr, cre cha imneagh as veagh oo dy endeil eh veih bred snaidey!
Freill arrey er dty chree as dty ymmyrkey lesh yn imnea cheddin.</p>
<p>6. — Ta dyman lesh lheamys, jeh feeuid smoo na ta clagh chadjin ta
dyn cron.</p>
<p>Ta raa creeney myrgeddin cadjin ny vud oc bentyn da ny saaseyn dy
lheihys. Jir ad—dyn goaill ayns laue geebyrt ooilley ny drogh umouryn
ass y chorp ec keayrt, er aggle dy bee ny umouryn mie er nyn
vollaghey—er-nonney dy jean y martyr gannoonaghey. T’eh dy liooar my
vees yn çhiaghtoo ny’n hoghtoo ayrn ass y jeih jeh’n nieunys vaasoil
er ny chastey liorish medjin, ayns wheesh as dy jean dooghys jeh hene
yn chooid elley ny vegganyn. Ta’n raa creeney shoh smoo feeu ayns
reill reeriaghtyn as gurneil lughtyn-thie.</p>
<footer>
<p>Mona’s Herald,
<time datetime="1841-01-05">1841-01-05</time></p>
</footer>
</article>
<article>
<header><h1>Vanninee ghooghyssagh</h1></header>
<p>Vanninee ghooghyssagh, as ooilley shiuish yoarreeyn feeudagh ta
cummal ayns thalloo Vannin.</p>
<p>“Liorish moyrn ta anvea brishey magh: agh ta creenaght maroosyn ta
goaill coyrl.”</p>
<p>Lesh lane taitnys ta mee goaill orrym pene dy oltaghey shiu, er
graih yn shee as fea ta nish ayns yn çheer ain.</p>
<p>Ta mee goaill boggey meriu veih grunt my chree, ayns dy vel yn
boiraneys va mastey’n theay blein y touree chaie, choud shoh er gholl
dy bollagh lesh yn kione my lhie; s’feer eh, “Nagh vel mooaralys ny
drogh-yantee agh giare.”</p>
<p>My chaarjyn. Quoi va ny screbblagyn shen, ren liorish raaghyn
molteyragh, shliawin, as sleetçhagh, cleayney whilleen jeh ny
Manninee (paart ayns onid nyn gree, as paart trooid bolvaneys) dy
chur nyn laue gys aghinyn, geearree son toyrt-mow yn Chiare-as-feed,
marish ooilley ny hoardaghyn, as vondeishyn, va cha kiaralagh çhymnit
dooinyn, as da nyn gloan, liorish nyn shenn-ayraghyn? Cammah my
chaarjyn: ny traitooryn shen nagh goghe fea jeh’n Ard-whaiyl,
er-derrey hooar ad leigh noa dy chaghlaa towshan yn argid ruy (as ta
nish, as rieau er-dy-henney dy croutagh geam dy vel yn labree, as y
dooinney boght, currit gys coayl liorish yn eer leigh cheddin), as
nagh der veg smoo son ping Hostynagh nish, na v’ad coyrt roie son
ping Vanninagh; adsyn ren liorish myngyraght, as saaseyn mee-lowal
elley, jannoo cooid as cowryn jeh lhuingys-vrisht, etc.; bouyranyn ta
comyssey marish drogh vraane; fir-thammag nagh vel fys quoi va nyn
ayraghyn; as ad shen ennee, ren liorish saaseyn molteyragh goaill
feeaghyn orroo hene, as nagh jean geeck nyn lhiastynys, ga dy vel
palçhey fort ayns nyn laue; marish lheid as ta mie er doilçhin nyn
gleayshyn ve pollit son nyn immeeaght-bea bleeantyn er-dy-henney;
caghlaaghyn jeh ny fragymyn cheddin ta ceau fainaghyn airhey, ny
prashey, cooatyn doo, bussalyn baney, as mennick markiaghey ayns
fainee: ny-yeih, my yinnagh dooinney oney erbee treishteil booa ny
cabbyl er fer jeu, fegooish yn argid laue, ny feanish fondagh, veagh
eh bunnys shickyr jeh surranse coayl.</p>
<p>Cha vel mish gra nagh vel focklyn dy ynsagh-lioaragh ec paart jeu,
son ta mee er chlashtyn dy vel un dooinney ny vud oc oddys, er oyryn
vondeishagh da hene, caghlaa keeadyn gys thousaneyn lesh un çhyndaa
jeh’n edjag-screeuee.</p>
<p>Ny sodjey na shoh, ta fer-ynsee bentyn gys yn Agglish er ghoaill
laue maroo; gyn-oayltagh t’er chionnagh croit hallooin, as t’er-y-fa
shen smooinaght dy lhisagh yn theay lessoon y ghoaill voishyn, as dy
negin daue credjal, as jannoo, myr ver eh roue. Ta’n jeeoilagh shoh
loayrt dy lajer, as dy lunagh, noi’n Chiare-as-feed ard-ooasle as
raahoil. “T’eh daaney as creoi-wannallagh, cha vel aggle er dy loayrt
olk jeh ny pooaraghyn syrjey.” Ta mee clashtyn neesht dy vel eh
mennick goaill yn veshtallys, loo as gweeaghyn, brishey Dooneeyn y
Çhiarn, as ceabbey ny jeirkee ta çheet raad e ynnyd-vaghee.</p>
<p>She ny lheid oc shoh son yn chooid smoo, ayns commeeys rish strane
jeh ny joarreeyn comleayrtagh—stroialtee ta jiuleanys ’syn ellan
(caghlaaghyn jeu ren dy neu-yesh çhea gys Mannin veih nyn growaltee,
ec yn imbagh shen tra nagh voddagh slattyssyn y çheer oc hene goaill
greme orroo ayns y çheer shoh)—hug toshiaght da ooilley yn boirey, as
va dy slane kiarit dy hilgey shin bun-ry-skyn; as ta mee clashtyn fou
dy vel ny dhonnanyn mee-viallagh cheddin mysh coyrt breb elley.</p>
<p>Nish heshey ellanee, as shiuish yoarreeyn reajagh, ooilley ry
cheilley myr ta shiu, ta mee guee erriu gow-jee fockle dy choyrle
veih shen Vanninagh, as shass-jee magh dy dunnal noi ny roiederyn as
ny cassidee. Ny cur-jee wheesh as cooney nyn eddin da ny flaieyn
fergagh ta shegin er olk; agh lhig dooin, lesh un chree as un aigney,
lheid y quaaltys y chur daue, as ver yn daanys vee-hushtagh oc er
slat e ghrommey dy choyrt yn kred s’jerree.</p>
<p>Mannagh jeanmayd er yn aght shoh, as my yiow ny cowagee
vee-cheeallagh as ny co-vollaghtee nyn mian, bee eh ny smessey
dooinyn as da nyn gloan na dy darragh yn chragh dy’n çheer: bee main
dy bollagh astyrit ass ny fraueyn, as bee Mannin veg veen ayns
poyll-sluggee dy vondiaght.</p>
<p>Cre dooyrt yn Fer-ynsee Bowring tra loayr eh rish yn theay ec
Thie-oast Vona? Doshil eh e veeal as ren eh fockley magh er yn aght
shoh: “Myr va mee çheet er y raad, cheayll mee coraa geamagh ‘sheese
lesh ny Ogheryn.’ My chaarjyn, cha vel mish er jeet ayns shoh dy
yannoo shen. Ta ny Ogheryn jeh scansh erskyn towse mooar da Ellan
Vannin. Foddee dy vel ad er naase mergagh; ta beggan ymmyd er ve
jeant jeu, as she my choyrle’s eh, shiu dy ghlenney seose ad ayns
lheid yn aght as ver orroo fosley ny dorrysyn.” Choud shoh ta’n
dooinney seyr shen er gheddyn e yeearree cooilleenit, ayns wheesh as
dy vel dorrysyn Thie yn Chiare-as-feed nish ceauit feayn-foshlit, myr
shen dy vod dy chooilley ’nane clashtyn as cur-my-ner er e hon-hene
cre ta’n Whaiyl gra as jannoo er çheu-sthie.</p>
<p>My vees caghlaa sodjey ymmyrçhagh, lhig da ve (myr dooyrt Robert y
Karragher) ayns yn chied ynnyd dy chur lesh er ash, as dy hannaght
dooin, quaiylyn myr v’ec nyn ayraghyn jeh’n çhenn earish; ta shen dy
ghra, lheid as v’er ny chummal ec Cashtal Rushen eddyr ny giattyn
kiongoyrt rish Harry Vyron, Kiannoort Vannin, Anno Domini 1430. As
reesht ayns yn vlein 1643 ec Balley ny Peeley kiongoyrt rish Jamys
Eearley Gherby, raad va aigney ooilley cummaltee Vannin er ny
hoiggal, liorish yn ard-fer-reill, y Choonseil, as yn Chiare-as-feed,
ec jannoo ny leighyn; trooid deiney v’er ny reih liorish yn theay son
yn oyr shen: as lhig da dy chooilley nhee v’er ny yannoo, cha nee er
vullagh ching, ny liorish kirkinyn baanrit, agh lesh traa feeudagh,
as liorish deiney fastagh, firrinagh, as creeney.</p>
<p>My chaarjyn, ny bee veg eu dy yannoo marish ny condaigee roonagh
shen ta shleeuit er anvea. “Ny bee-jee mollit; ta drogh heshaght cur
mow ellyn mie.” Lhig dooinyn er-y-fa shen ve sniemmit dy cheilley
ayns arrym as ammys gys yn Ven-rein smoo graysoil ain Victoria;
biallagh dauesyn t’ayns pooar foee, çheh gys coadey oardaghyn mie nyn
jeerey, as bioyr gys freayll seose cairys nyn sheshaghyn
cummaltee.</p>
<p>Cha vel aym nish dy ghra, agh, myr dooyrt Juan Jamys y Dowan,
erreish da ve brisht. “Ta mee gennaghtyn dy vel mee ayns towse ennagh
er chooilleeney my churrym hym pene, as gys my heer;” as shoh my
phadjer gys my Er-croo, “Soilshee dt’obbyr da dty harvaantyn, as da
nyn gloan dty ghloyr.”</p>
<p>Dec. 1845. Eubonia.</p>
<footer>
<p>Manx Sun,
<time datetime="1845-12-20">1845-12-20</time></p>
</footer>
</article>
<article>
<header><h1>Saggyrt Brown</h1></header>
<p>Huggeysyn ta cur magh yn Heral Manninagh.</p>
<p>Vainshtyr, ta mee er chlashtyn lesh lane trimshey jeh baase
Saggyrt Brown, saggyrt yn skeerey shoh, son v’eh dooinney mie,
dooinney va’n slane yeearree as yn bwooishal echey dy yannoo foays
da’n sleih va currit fo’n kiarail echey myr shirveishagh, as cha nee
ynrycan dauesyn, agh da dy chooilley unnane v’eh abyl jannoo mie da.
S’coan my vees lheid yn saggyrt currit dooin ’syn ynnyd echey. Ta mee
er chlashtyn dy row eh dooinney feer ynsit, dy row eh toiggal Hebrew,
Greek, as Latin; agh er yn oyr nagh row shinyn Manninee voghtey
toiggal ny glaraghyn joarree shoh—dy jarroo ta paart jin nagh vel
toiggal Baarle feer vie, ny eer toiggal monney jeh—tra haink eh gys
yn skeerey shoh hoshiaght, ren eh failley saggyrt Manninagh va
toiggal Gaelg, dy phreaçheil dooin ’sy ghlare shen, ta shen dy ghra,
çhengey ny mayrey Ellan Vannin. Honnick eh nagh row eh cairagh da dy
ve ayns boayl raad nagh row ooilley yn sleih toiggal Baarle, fegooish
yn sushtal ve er ny phreaçheil da’n dooinney Gaelgagh chiart cha mie
as da’n dooinney Baarlagh. Myr shen ayns wheesh as nagh voddagh yn
saggyrt Gaelgagh fuirraght foddey marish, ghow eh hene ayns laue dy
ynsagh Gaelg, as ayns traa giare, lesh laboragh creoi oie as laa,
v’eh abyl lhaih as preaçheil yn ghlare shen. Ga dy row eh hene
Manninagh, cha naik eh rieau cre cha ymmyrçhagh as v’eh da saggyrt
skeerey ’syn ellan shoh dy hoiggal Gaelg, derrey haink eh fud sleih
Gaelgagh.</p>
<p>Ta ymmodee taggloo ’sy nabooys shoh, nish dy vel yn dooinney
crauee shoh ersooyl dy ghoaill soylley jeh’n leagh echey ec laue yesh
Yee ayns ny niaughyn, quoi yn saggyrt yiow yn skeerey shoh? Ta paart
gra un red, as paart red elley; agh ta’n vunnys oc ooilley gra dy re
joarree ennagh, ny fer ennagh nagh vel toiggal Gaelg, vees currit
ayn, son dy vel ny fir-reiltee ain soiaghey beg jeh’n Ghaelg, as
jeusyn ta taggloo as toiggal eh; myr shen dy vel ad bwooishal dy
beagh yn Ghaelg as adsyn ta taggloo eh, currit ass Mannin ooilley
cooidjagh, t’eh çheet wheesh ’sy raad oc. Son yn oyr shen t’ad
smooinaghtyn, my ver ad saggyrtyn nagh vel toiggal Gaelg ayns ny
skeeraghyn, dy bee yn sleih eginit dy haggloo Baarle. Agh veagh eh
chiart cha mie daue cur saggyrt ayns dy chooilley skeerey nagh vel
toiggal Baarle, as gra dy begin da dy chooilley unnane nagh vel
toiggal Gaelg gynsagh eh. Nagh beagh shoh smooinit neu-resoonagh? Cha
vel dooyt nagh beagh;—agh nagh vel eh chiart cha neu-resoonagh er yn
laue elley?</p>
<p>Ta’n Manninagh boght nagh vel toiggal monney Baarle, ga dy vel eh
cha beg soit jeh, laboragh chiart cha creoi dy eeck jaghee da’n
Aspick as saggyrt yn skeerey echey, as yn joarree nagh vel toiggal
Gaelg. Nagh negin da, eisht, lurg da gobbragh creoi ooilley yn
çhiaghtin, ve feer seaghnagh da tra t’eh goll gys yn cheeill er y
Doonaght, nagh vod eh clashtyn yn sushtal er ny phreaçheil dy plain
’sy ghlare shen t’eh ny share toiggal. As, reesht, tra t’eh çheet dy
lhie er lhiabbee dy hingys, nagh vod yn dooinney ta eeckit er e hon
jeeaghyn da yn raad oddys eh çheet dy ve aarloo son yn chaghlaa
echey.</p>
<p>Vel shiu smooinaghtyn dy beagh ny deiney mooarey ain booiagh lheid
ve jeant roosyn, as ad ve cha beg soit jeh? Ta mee sheiltyn nagh
beagh. Nagh lhisagh adsyn eisht jannoo rish feallagh, myr veagh adsyn
bwooishal feallagh elley dy yannoo roosyn? Tra ta shinyn sleih
çheerey meeiteil cooidjagh, ta ymmodee co-loayrtys ain ny cheayrtyn,
as ga nagh vel shen monney soit jeh, ny-yeih ta shin fakin as taggloo
jeh’n aght lhisagh ymmodee reddyn ve jeant nagh vel goll er
jannoo.</p>
<p>Tra va saggyrt skeerey cliaghtey geddyn baase, ny currit gys
skeerey elley, va’n saggyrt s’niessey da ayns eash currit ’syn ynnyd
echey: agh nish ta saggyrtyn aegey, nagh vel eddyr son lhaih ny
loayrt Gaelg, currit ayns ny skeeraghyn my haghrys daue ve mooinjerys
da fer erbee jeh ny fir-reiltee ain, as eisht t’ad foast geddyn paart
jeh ny saggyrtyn boghtey Manninagh ta toiggal Gaelg, as ta foddey
shinney na ad hene, dy chooney lhieu. Myr shen t’adsyn ta son jannoo
nyn gurrym sharvaantyn dauesyn nagh vel fondagh dy yannoo shen er e
hon t’ad geddyn nyn meaghey. Heillagh shiu dy jinnagh yn
Chiare-as-Feed jeeaghyn stiagh ayns ny reddyn shoh, as geddyn cairys
da dy chooilley unnane, boght as berçhagh.</p>
<p>S’coan my va Kiare-as-Feed ny Garrane er lowal jeh ny reddyn shoh.
Ta whilleen joarree nish ’sy Chiare-as-Feed, nagh vel monney ec ny
Manninee ta fud oc dy ghra, myr shen dy vel ny joarreeyn geddyn
ooilley yn raad oc hene, er yn oyr dy vel ad ny s’creenee (t’ad
smooinaghtyn) na ny Manninee voghtey.</p>
<p>Vel shiu smooinaghtyn dy jean ny deiney mooarey ain ginsh veg jeh
ny reddyn shoh da’n Aspick noa ain? Lhisagh ad ve inshit da. Agh t’eh
rait “nagh vel ny Manninee creeney dys yn laa lurg yn vargey;” ta mee
jerkal eisht, nagh bee eh myr shoh nish; agh dy jean sleih yn skeerey
shoh er y çhooyl jannoo accan gys yn Kiannoort ain, dy hirrey er yn
Ven-rein smoo graysoil ain, dy chur saggyrt er yn skeerey shoh oddys
soilshaghey yn raad dy haualtys da’n Manninagh nagh vel toiggal
Baarle, chiart cha mie as dasyn ta toiggal eh.</p>
<p>Veign feer vooisal diu son cur shoh ayns corneil ennagh jeh’n
pabyr eu yn çhiaghtin shoh çheet, my ta shiu coontey feeu jeh; as
myrgeddin dy jinnagh shiu hene, ny fer ennagh elley, çhyndaa eh gys
Baarle son yn pabyr yn çhiaghtin er-giyn. Foddee dy jean shiu
clashtyn voym reesht ayns traa gerrid.</p>
<p>Ta mee tannaghtyn yn sharvaant biallagh eu, Skeerey Vraddan,
Manninagh Dooie.</p>
<p>yn jeihoo laa jeh mee s’jerree yn vlein, un thousane hoght cheead
as shey as daeed.</p>
<footer>
<p>Mona’s Herald,
<time datetime="1846-12-30">1846-12-30</time></p>
</footer>
</article>
<article>
<header><h1>Ny Methodee</h1></header>
<p>Gys Scrudeyr Herald Vona.</p>
<p>Charrey Deyr,—Myr va shiartanse jin çheet cooidjagh voish y
chlass fastyr y laa chaie, hie shin stiagh ayns thie ’nane jeh ny
braaraghyn dy gheddyn jough ushtey, as huitt shin er taggloo son
tammylt mooar mychione anvea ny Methodeeyn. Fy yerrey hoal, ghow
shin ayns laue dy phrowal ruleyn Wesley row ad cordail rish ny
Scriptyryn Casherick, as dy chormal, chammah as oddagh shin,
ymmyrkey-bea ny Methodeeyn rish ny ruleyn cheddin, er-çhee dy
gheddyn magh cre va bun yn olk. Va fys mie dy liooar ain dy dreill
ny chied Vethodeeyn ny ruleyn ayns yn aght t’ad screeut, myr ren
shin hene keayrt dy row, (son cha nee olteyn aegey va veg jin,) agh
va shin er n’ghoaill baght rish bleeantyn dy hraa, abbyr daeed blein
ny erskyn, dy row’n ymmodee mooar er chooyl-skyrraghtyn veih’n
çheshaght ain liorish cur raad da moyrn, lhiggey lesh yn eill ayns
nheeghyn gyn feme, çhaglym seose berçhys er y thalloo, braar goll
gys y leigh rish braar, &c. As ren nyn gooinsheanseyn hene shin
y gheyrey son paart jeh ny foiljyn cheddin.</p>
<p>Agh erskyn ooilley, hayrn shin gys cooinaghtyn dy row shin dy
mennick er nyn oltooaney liorish cloan y theihll—as cha row eddin
ain dy obbal ad—dy row ny reiltee, ny fir-oik, as ny hard-gheiney