Vefforritun 2, 2021, verkefni 3

Framhald af verkefni 2.

Vídeó yfirferð.

Bæta skal við:

• 500 gervigögnum í byrjun
• „Síðum“ þegar undirskriftir eru skoðaðar
• Innskráningarkerfi
• Möguleika á að eyða færslum ef viðkomandi er innskráður notandi

Sjá skjáskot af útliti.

Verkefni skal sett upp á öðru Heroku appi.

Gefinn er grunnur, byggður á sýnilausn. Ekki er krafa um að nota hann.

Gervigögn

Nota skal faker til að útbúa a.m.k. 500 gerviskráningar á listann:

• Nafn með faker.name.findName()
• Sérútfærsla á kennitölu sem nýtir Math.random()
• Athugasemd með 50% líkum með faker.lorem.sentence()
• 50% líkum á að vera nafnlaust
• Undirskrift hafi verið bætt við á seinustu tveim vikum

Síðufletting

Þar sem mikið af gögnum er nú komið í gagnagrunninn okkar þurfum við síðuflettingu. Hver „síða“ skal vera 50 færslur. Fyrir neðan töflu skal birta flettingu, þar sem:

• Hægt er að fara til baka ef maður er ekki á fyrstu síðu
• Hægt er að fara á næstu síðu ef síða sem viðkomandi er á er með 50 skráningum
• Birt er á hvaða síðu viðkomandi er og heildarfjölda

Einnig skal birta fyrir ofan töflu heildarfjölda færsla, hægt er að telja með SELECT COUNT(*) AS count FROM signatures;

Innskráning

Útfæra skal innskráningarkerfi með passport og passport-local. Ekki þarf að setja upp nýskráningu en nota skal töflu í postgres grunni til að geyma notendanafn og lykilorð. Lykilorð skal vista með bcrypt.

Ef farið er á /admin skal birta innsrkáningarsíðu sem birtir villuskilaboð ef innsrkáning gengur ekki upp. Ef innskráning gengur upp skal birta:

• að viðkomandi sé skráður inn og möguleika á að skrá sig út
• lista af færslum með möguleika á að eyða færslum

Færslum eytt

Ef notandi er innskráður skal birta nýjan dálk í lista með takka sem leyfir að eyða færslunni.

Athuga þarf hvort notandi sé virkilega innskráður þegar það er reynt, annars redirect á login síðu.

Ef færslu er eytt skal redirecta á forsíðu bakvinnslu.

Ef villa kemur upp skal sýna villusíðu.

Tæki og tól

Sama gildir og í verkefni 2 með tæki og tól, nema þegar npm run setup er keyrt skulu gervigögn búin til.

Mat

• 10% – Snyrtilegur kóði, engar villur þegar npm test er keyrt
• 10% – Verkefni sett upp á Heroku
• 20% – Gervigögn búin til og sett í töflu
• 20% – Síðuflettingar og upplýsingar um síður
• 20% – Innskráningarkerfi útfært og sjálfgefinn notandi
• 20% – Eyðsla á færslum ef innskráður notandi

Sett fyrir

Verkefni sett fyrir á Canvas sunnudaginn 14. febrúar 2021.

Skil

Skila skal í Canvas í seinasta lagi fyrir lok dags laugardaginn 27. febrúar 2021.

Skilaboð skulu innihalda slóð á Heroku og slóð á GitHub repo fyrir verkefni, og dæmatímakennurum skal hafa verið boðið í repo (sjá leiðbeiningar). Notendanöfn þeirra eru:

• jonnigs
• mimiqkz
• Steinalicious
• zurgur

Hver dagur eftir skil dregur verkefni niður um 10%, allt að 20% ef skilað mánudaginn 1. mars 2021 en þá lokar fyrir skil.

Einkunn

Sett verða fyrir 6 minni verkefni þar sem 5 bestu gilda 8% hvert, samtals 40% af lokaeinkunn.

Sett verða fyrir tvö hópverkefni þar sem hvort um sig gildir 10%, samtals 20% af lokaeinkunn.

---

Útgáfa 0.1