Vefforritun 2, 2021, verkefni 4

Verkefnið byggir á verkefni 9 í vefforritun 1, 2020.

Kynning á verkefni.

Bæta skal við server sem situr á milli beiðna frá client til USGS (proxyar beiðnir), þessi proxy notar redis til að cache gögn á milli fyrirspurna.

Einnig skal bæta við möguleikum á að sækja öll gögn eftir tímabili og stærðargráðu, í index.html er búið að setja upp lista af tenglum á hverja týpu. Útfæra þarf virkni í framenda sem sækir rétt gögn gegnum proxy þjónustu. Beiðnir á proxy þjónustu ættu að taka við querystring breytum, t.d. /proxy?period=hour&type=significant og skila gögnum ásamt auka lýsigögnum um fyrirspurn.

Lýsigögn um fyrirspurn

Lýsigögn um fyrirspurn innihalda tvö gildi:

• Hvort gögn hafi verið sótt úr cache eða ekki
• Hversu lengi tók að sækja gögn í sekúndum (hvort heldur sem er úr cache eða með fetch), sjá ./src/time.js

Formið á þeim ætti að vera:

{
  data, // gögn um jarðskjálfta
  info: {
    cached: true,
    elapsed: 0.500,
  },
};

Gögnin skal síðan birta á framenda.

Fetch

Bæði framendi (client) og bakendi (server) munu gera fetch köll og mikilvægt er að gera sér fulla grein á muninn á þeim.

Kóði fyrir framenda er í ./client, kóði fyrir bakenda er í ./src.

Framendi á proxy þjónustu bakenda, og bakendi á USGS þjónustu, ef gögn eru ekki í cache.

Tæki og tól

Gefinn er grunnur, byggður á sýnilausn á verkefni 9 úr vef1. Búið að tengja saman browser-sync og nodemon þ.a. npm run dev virkar sem skildi. Það er gert með því að nota browser-sync sem proxy á server sem keyrir þá á port 3001.

Nota skal node-fetch á bakenda.

Setja skal upp redis og nota til að cachea gögn.

Setja skal verkefnið upp á Heroku með cache virkni.

Þar sem setja þarf inn kreditkort til að geta notað Heroku redis, er ekki krafa um að gera það. Fyrri útgáfa af verkefnalýsingu gaf það til kynna.

Mat

• 20% – Bakenda virkni sett upp og virkar með gefinni framenda virkni
• 30% – Proxy virkni á bakenda sett upp og notar redis
• 30% – Viðbætur á framenda til að geta sótt gögn gegnum proxy
• 20% – Verkefni sett upp á Heroku (ekki krafa um redis á heroku, sjá að ofan)

Sett fyrir

Verkefni sett fyrir í fyrirlestri fimmtudaginn 25. febrúar 2021.

Skil

Skila skal í Canvas í seinasta lagi fyrir lok dags laugardaginn 13. mars 2021.

Skilaboð skulu innihalda slóð á Heroku og slóð á GitHub repo fyrir verkefni, og dæmatímakennurum skal hafa verið boðið í repo (sjá leiðbeiningar). Notendanöfn þeirra eru:

• jonnigs
• mimiqkz
• Steinalicious
• zurgur

Hver dagur eftir skil dregur verkefni niður um 10%, allt að 20% ef skilað mánudaginn 15. mars 2021 en þá lokar fyrir skil.

Einkunn

Sett verða fyrir 6 minni verkefni þar sem 5 bestu gilda 8% hvert, samtals 40% af lokaeinkunn.

Sett verða fyrir tvö hópverkefni þar sem hvort um sig gildir 10%, samtals 20% af lokaeinkunn.

---

Útgáfa 0.2

|--------|----------|

Útgáfa	Breyting
0.1	Fyrsta útgáfa
0.2	Taka fram að ekki sé krafa um að nota heroku-redis
--------	----------