OmegaT.md

Istruzzioni per impiegà OmegaT per a traduzzione di WinMerge

Per fà una traduzzione, l'appiecazione OmegaT hà bisognu di schedarii di fonte cù una lingua sfarente di quella di destinazione. Di regula, a lingua di fonte hè l’inglese è quella di destinazione hè u corsu. D’altronde tutte e memorie di traduzzione pruviste nant’à stu situ sò in u sensu da l’inglese ver di u corsu.

Eccu l’istruzzioni per scaricà l’ultima versione di i schedarii di traduzzione è appruntalli per un trattamentu cù l’appiecazione OmegaT.

Scaricamentu di i schedarii à traduce

Si pò scaricà i schedarii in lingua inglese da quì :

• per l’interfaccia
• per u Shell
• per u stalladore
• per u schedariu ReadMe
• per u situ web

S’ella hè bisognu, eccu l'indirizzi per scaricà i schedarii in lingua corsa :

• per l’interfaccia
• per u Shell
• per u stalladore
• per u schedariu ReadMe
• per u situ web

Preparazione di i schedarii nanzu a traduzzione

• Ci vole à appruntà i schedarii cù l’estensioni : .po è .pot
• Ùn ci hè nunda à fà per l’estensioni .isl è .txt

Estensione .po

• Lancià Poedit
• Sceglie l’ozzione Schedariu > Apre… o selezziunà l’azzione Navigazione nant’à u screnu di benvenuta
• Selezziunà u schedariu .po scaricatu
• Selezziunà tutte e catene cù a cumanda Ctrl-A o cù l’ozzione Mudificà > Tuttu selezziunà
• Viutà u cuntenutu di e catene cù a cumanda Ctrl-K o cù l’ozzione Mudificà > Viutà a traduzzione
• Arregistrà u schedariu cù u nome : for_omegat_winmerge_en.po

Estensione .pot

• Lancià Poedit
• Sceglie l’ozzione Schedariu > Apre… o selezziunà l’azzione Navigazione nant’à u screnu di benvenuta
• Selezziunà u schedariu .pot scaricatu
• Cliccà nant’à u buttone Creà una nova traduzzione
• Nant’à a finestra chì s’affissa, indicà : lingua di traduzzione > co è chjodela
• Cliccà nant’ l’ozzione Traduzzione > Pruprietà
• Nant’à a finestra di chì s’affissa, indicà l’infurmazioni richieste :
  • Nome è versione di u prughjettu
  • Squadra di traduzzione
  • Forme plurale > Impiegà un espressione predefinita > nplurals=2; plural=(n > 1);
• Chjode a finestra cù u buttone Vai
• Arregistrà u schedariu cù u nome : for_omegat_winmerge_en.po

Copia di i schedarii di lingua inglese

• Cupià o dispiazzà sti schedarii in u cartulare source di u prughjettu WinMerge in OmegaT.

Ozzione o preferenze particulare à definisce in OmegaT

• Lancià l’appiecazione OmegaT
• Sceglie Ozzioni eppò Filtri di schedariu…
  • Verificà chì u furmatu Testu hè attivatu.
  • Verificà l’ozzione di u furmatu Testu : Taglià u testu d’origine per fà paragrafi :
    • À ogni linea
  • Verificà chì u furmatu Testu chjave=valore hè attivatu
  • Verificà chì u furmatu PO hè attivatu.
  • Verificà l’ozzioni di u furmatu PO :
    • Permette e traduzzioni viote in i schedarii tradutti
    • Permette a traduzzione di i segmenti d’origine vioti
    • Ignurà l’intestatura di i schedarii PO
    • Rimpiazzà autumaticamente « {nplurals=INTEGER; &plural=EXPRESSION;} » in l’intestatura
Furmatu : ⚫ Classicu ⚪ Monolinguale

Traduzzione in lingua corsa

• Lancià l’appiecazione OmegaT è apre u prughjettu WinMerge per traducelu.

Preparazione di i schedarii dopu a traduzzione

✔️ Ùn ci hè alcunu approntu à fà à i schedarii di lingua corsa.

Incaricamentu di i schedarii di lingua corsa

• Tutti in schedarii tradutti in lingua corsa da OmegaT si trovanu in u cartulare target
• Per ogni schedariu mudificatu, ci vole à seguità l’istruzzioni per piglià in contu u novu schedariu di lingua corsa