Tank Battleground претставува multiplayer игра напишана во програмскиот јазик C# и е првично инспирирана од оригиналната Tank Trouble. Два непријателски тенкови се бараат низ мапата и кој прв ќе го уништи противникот добива поен. Победник е оној кој прв освоил 3 поени.
- New game - се започнува нова игра
- How to play - се отвара нов прозор упатство за контролите на играта
- About - се отвара MessageBox со информација за играта
- Quit- ја исклучува играта
Кога ќе се пушти нова игра се прикажува следната содржина на прозорецот
#####Синиот тенк се контролира со:
- W- се движи нагоре
- S- се движи надолу
- A- се движи лево
- D- се движи десно
- Tab- пука
#####Црвениот тенк се контролира со:
- Стрелка нагоре - се движи нагоре
- Стрелка надолу - се движи надолу
- Стрелка лево - се движи лево
- Стрелка десно - се движи десно
- Space- пука
Кога било кој тенк ќе го уништи противничкиот тенк , добива поен и одново се поставува играта. Кога било кој тенк ке стигне до 3 поени се декларира како победник и програмата се враќа на почетниот прозор од каде повторно може да се избери нова игра.
За реализација на проектот креирани се три кориснички дефинирани класи Scene, Tank и Bullet.
Во Scene класата се генерира почетната сцена на играта и се инцијализираат сите променливи и објекти од класите Tank и Bullet за работа на играта. За полето се користи еден квадрат (Rectangle) а за дефинирање на ѕидовите се користи матрица од квадрати (класата Rectangle ) која има ширина и должина колку квадратот на полето и матрица од bool со исти димензии . Димензиите за полето и блоковите на зидовите се чуваат како static readonly. За да може да се реализира движење на двата тенка во исто време се чува и листа на притиснати копчиња. Исто така се чува и бројот на поените за секој тенк посебно. Во класата се чуваат и методите на сите контроли и цртањето објектите кои соодветно се повикуваат во соодветниот event handler метода во класата на формата.
Во Tank класата се поставуваат параметрите на тенкот (слика, димензии, позиција, насока, листа од класата Bullet и објект од противничкиот тенк). Исто така дефинирани се повеќе методи кои го контролираат движењето и проверуваат во која насока може да се движе и дали има ѕидови, како и метод за пукање со кој се доава нов куршум во листата и метод за уништување на тенкот. Се чува и тајмер за траење на експлозијата.
Во Bullet класата се чуваат праметри за куршумот (слика, димензии, позиција, насока), метод за цртање, и методи за координирање на движењето.
Во класата на формата се чува метод load() во кој се иницијализира формата и се иницијализира објект од класата Scene како и тајмер кој се стартува со самото пуштање на играта кој повикува метода од класата Scene во која се повикани методите за движење на тенковите и куршумите. Во програмата се додадени и звуци за подобро UX.
Кога ќе се притисне Space или Tab во однос на насоката на тенкот се додава нов објект во листата на куршуми на тенкот. Со методот за цртање на тенкот се исцртува и неговата листа на куршуми, тој метод се повикува во Paint настанот на формата.
Во класата на тенкот се чува метод Fire во кој за секој куршум во листата на куршуми се повикува методoт Мove за движење на куршумот. Методот Fire се повикува во методот timerTick во Scene класата кој се повикува на секој интервал на главниот тајмер на играта кој се чува во формата. Со тоа тајмерот постојано го повикува методот Fire кој проверува дали има куршуми во листата, кои ги придвижува. Ако куршумот дојде до некој ѕид или уништи друг тенк се брише од листата што веќе не постои и не може да се исцрта.
- Александар Богданоски
- Александар Велјанов
- Игнатиј Гичевски