Verkefni 2

Setja skal upp fjórar síður, aðgengilegar af internetinu:

1. Forsíða með tenglum á aðrar síður
2. Síða með formi
3. Síða með töflu
4. Síða með texta

Allar síður fyrir utan forsíðu skulu vera innan pages/ möppu.

Fyrir hverja síðu, skal síðan:

• Hafa snyrtilega uppsettan kóða þar sem inndráttur er samræmdur
• Nýta merkingarfræðilega viðeigandi element
• Vera villulaus ef hún er prófuð með HTML validator
• Vera án aðgengisvillna ef hún er prófuð með WAVE

Forsíða

Setja skal síður upp á heimasvæði undir möppu .public_html/vefforritun/verkefni2 svo verkefnið verði aðgengilegt á https://notendur.hi.is/<notendanafn>/vefforritun/verkefni2 þar sem <notendnafn> er notendanafnið þitt (t.d. osk).

Valmynd

Allar síður skulu innihalda neðst á síðu sömu valmynd og valmynd skal vera sett upp með viðeigandi elementum. Fyrir hverja síðu skal merkja að sú síða sé opin með því að feitletra heiti hennar í valmynd. Athugið að allar síður fyrir utan forsíðu verða að vera undir pages/ möppu.

Fyrir neðan efni á öðrum síðum en forsíðu er lárétt lína notuð til að aðskilja á milli efnis og valmyndar.

Form

Form tekur við upplýsingum fyrir nýskráningu notanda og skal vera sett upp með aðgengi í huga.

Eftirfarandi skal biðja um í formi, hópað saman með <fieldset> og með viðeigandi legend:

• Notandi
  • Notandanafn, texti sem krafist er
  • Netfangi, textareitur sem krafist og innihald ætti að líta út eins og netfang
  • Lykilorð, textareitur sem krafist er og sýnir ekki það sem skrifað er í hann
  • Lykilorð aftur, sama og að ofan, aukalega er reitur merktur með textanum „Lykilorð verða að vera eins“
• Spurningar
  • Kyn, radio val um Kona, Karl, Annað
  • Aldur, val úr lista
    • Yngri en 13 ára
    • 13-20 ára
    • 21-65 ára
    • Eldri en 65 ára
  • checkbox val sem er sjálgefið valið með textanum „Senda afrit af notandaupplýsingum á netfang.“
  • Athugasemd, textareitur sem bíður upp á fleiri en eina línu af texta
• Takki til að senda form sem á stendur „Senda“

Þegar ýtt er á takka gerist ekki neitt, þ.e.a.s. engin kóði keyrir og gögn eru ekki send neitt.

Síðan skal hafa fyrirsögnina Form.

Tafla

Útbúa skal töflu með áföngum á tölvunarfræðideild. Gefin eru gögn með stuttu námskeiðsnúmeri, námskeiðsheiti, misseri og einingum.

Gögn í töflu má nálgast í gogn.csv. Þar sem um margar línur af gögnum er að ræða er ekki ráðlagt að setja gögnin handvirkt upp í ritli heldur skal nýta virkni í ritli til að breyta gögnum, sjá dæmi í fyrirlestri.

Síðan skal hafa fyrirsögnina Áfangar í tölvunarfræðideild HÍ 2018.

Texti

Textann má finna í text.md. Þýða skal viðeigandi Markdown skipanir yfir í HTML. Fyrir lýsingu á því hvað þýðir hvað er hægt að lesa skjölun Markdown.

Fyrir ofan texta skal standa: „Eftirfarandi texti er fenginn úr Project Gutenberg.“ þar sem „Project Gutenberg“ er slóð á https://www.gutenberg.org/

Vísað er í mynd undir img/, mynd er fengin frá WikiMedia Commons. Laga þarf slóð á mynd á HTML skrá, ekki skal færa img/ möppu.

Útlit

Fyrir hugmynd um hvernig síða eigi að líta út má skoða skjáskot í /utlit möppu.

Mat

• 20% – Snyrtilega uppsettur kóði með merkingarfræðilegum elementum fyrir hverja síðu
• 20% – Síður án villna frá HTML validator og WAVE validator
• 20% – Form uppsett eftir forskrift
• 20% – Tafla uppsett eftir forskrift
• 20% – Forsíða og textasíða uppsett eftir forskrift

Sett fyrir

Verkefni sett fyrir í fyrirlestri mánudaginn 3. september 2018.

Skil

Skila skal undir „Verkefni og hlutaprófa“ á Uglu í seinasta lagi fyrir lok dags þriðjudaginn 11. september 2018.

Skilaboð skulu innihalda slóð á verkefni ásamt zip skjali með lausn sem heitir notendanafni, t.d. verkefni2-osk.zip.

Einkunn

Sett verða fyrir tíu minni verkefni þar sem átta bestu gilda 3,5% hvert, samtals 28% af lokaeinkunn.

Sett verða fyrir tvö hópverkefni þar sem hvort um sig gildir 11%, samtals 22% af lokaeinkunn.

---

Útgáfa 0.2

Útgáfusaga

Útgáfa	Lýsing
0.1	Fyrsta útgáfa
0.2	Setja inn titla fyrir form og töflu